-



الاعداد للعمل على البوكس

ونبدا الان اول مراحل العمل على بوكس الانفنتى

بعد تركيب البوكس حيحتاج منك توصيف البوكس او تعريف البوكس على الكمبيوتر

وهنا فيه بعض الناس بتشتكى من عدم قبول البوكس للتعريفات فيفضل استخدام التعريفات القديمه

ويمكنك تحميها من السبورت الخاص بالبوكس او من هنا


Infinity-Box_old_Drivers_v1.2.rar


وبعد توصيف البوكس فانت محتاج انك تعمل ابديت للبوكس من خلال برنامج ال DongleManager

ويحمل من السبورت الخاص للبوكس ايضا او من هنا

[ندعوك للتسجيل في المنتدى أو التعريف بنفسك لمعاينة هذا الرابط]

والان بعد تحديث البوكس قم بتحميل برنامج ****Le
وهو البرنامج الرئيسى للانفنتى

ويمكنك تحميله من هنا

[ندعوك للتسجيل في المنتدى أو التعريف بنفسك لمعاينة هذا الرابط]

لان برنامج الانفنتى ينقسم الى قسمين

الاول وهو برنامج ال ****Le

وهو خاص بعرض التحديثات الاخيرة وال الدخول الى السبورت والدخول الى البرامج الفرعية للموديلات المدعومه للبوكس

والقسم الثانى يتكون من التحديث الخاص للموديلات المدعومه من البوكس

ولنفرض مثلا انك عايز تقوم بفورمات للاجهزه الصينى

ولكن لا يستطيع ال ****Le القيام بهذه العمية بمفرده

ولذلك فانت محتاج الحديث الخاص للاجهزه الصينية وهو

InfinityUpdate_ChineseMiracle_v2.45



ولكن لو فرضنا انك محتاج تعمل فك شفرة للموترولا ال c117

فى هذه الحالة انت محتاج التحديث الخاص بالموترولا وهو

InfinityUpdate_Moto01_v1.44

-





ولكن كيف نستطيع الدخول الى السبورت لتحميل هذه التحديثات








1- flashfiles ويحتوى على الفلاشات الخاصة بالاجهزه المدعومه لبوكس الانفنتى

2- manual ويحتوى على ملفات txtوبرنامج ال ****Le وبها كيفية التعامل مع بوكس الانفنتى

وكيفية التفليش وفك الشفرات وغيرها

3- software وبه التحديثات المختلفه لبوكس الانفنتى

4- DongleManager.rar وهذا برنامج الخاص بتحديث البوكس نفسه ونستخمه عند شراء البوكس او تحديث البن فيندر




وفى هذا الجزء سوف نتعرف على مشاكل واعطال الاجهزه الصينى وكيفية تصليحها وحلها عن طريق بوكس الانفنتى

فى الاول لازم نعرف الموبيل الصينى ازاى عملوه بشرحتين

هما اعتمداو بشكل اساسى على ان الجهاز يبقى جهازين فى جهاز واحد

يعنى انت لو فتحت جهاز مثلا مثل ال N99I

فحنلاقى ان الجهاز به 2 بروسيسور 2 فلاشه 2 اريال 2 بيت كارت

وهذا يدل على وجود جهازين فى جهاز واحد

طيب نروح بقى لمشاكلهم وعيوبهم

البروسيسور الاول وهو صاحب اهم مشاكل الاجهزه وغالبا بيبقى من نوع

MTK 6226

والبروسيسور الاول بيبقى اغلب عيوبه او مشاكله فى الريستارت ومشاكل السريال

اما البروسيسور الثانى وغالبا بيبقى من نوع

MTK 6205

واهم مشاكله بتبقى مشاكل السريال و عدم وجود شبكه بالجهاز

انواع البروسيسورات المختلفة فى الاجهزه الصينية

انواع البروسيسورات كثيرة جدا

ولكن يجب ان نتعرف على اهم بروسيسورات الاجهزه الصينية

وهما ال

MTK

MT 6226

MT 6223

MT 6227

MT6228

MT 6230

والنوع الاخر الاكثر انتشارا وهو بروسيسور Spreadtrum
ويجب معرفة نوع البروسيسور لاننا حنحتاجه عند عملية التفليش وعند استعامل البن فيندر

واما الان فسوف نتجه الى عملية كيفية تصليح العيوب اللى بتواجهنا فى الاجهزه الصينية ونبدا بمشكلة الريسترات







مشكلة الريسترات بتبقى غالبا بسبب استقبال نغمات او فيديو من خلال البلتوث وذلك بسبب ان الاجهزه الصينية المساحة اللى موجوده على الفلاشه بتبقى اقل من 2 ميجا فطبعا الجهاز حايعمل ريسترات
فحل هذه المشكله هى فورمات على بوكس الانفنتى
ولكن ازاى نعمل فورمات على الانفنتى
الاولقوم بفتح برنامج ****Le
وطبعا نكون عملنا تثبيت للابديت الخاص بالاجهزه الصينية
ونتجه الى Model selection
ولنفرض مثلا ان حانعمل فورمات لجهاز n95 ذات الشريحتين






ثم نتجه الى الاختار الاخر وهو
SELECT MODEL
ثم نختار N95-2SIM
ثم نضغط على Run
حنلاقى ان ال ****Le قام بفتح برنامج الاجهز الصينية
وقبل عمل اى شى لازم نتجه الى Setting
وعمل SCAN على البورت
ثم نتجه الى قائمة Service
ونقوم بعمل فورمات كامل للجهاز
Format ffs: complete





وسوف يعطيك البرنامج امرا بالضغط على زر البور ثم نضغط عليه ثم يبدا البرنامج بفرمتة الجهاز
-

مشكلة السيريال والشبكة

المشكله دى منتشرة جدا فى ال
N99I .N972
واغلب الاحيان بنواجه المشكله دى بعد عملية الفورمات
وحل المشكله هو
اولا بالنسبه للبروسيسور الاول نقوم بتفليش الجهاز فلاشه كامله من السبورت
ثم نقوم بكتابة السيريال للجهاز كما فى الصورة
كتابة السيريال الخاص بالجهاز فى رقم واحد

ثم اضغط WRITE على MODE-1




واما لو الشريحة الثانيه للبروسيسور الثانى لا تعمل
نقوم بتفليش البروسيسور الثانى
وكتابة السيريال بنفس الطريقة السابقه ولكن على 3 MODE 1 , MODE 2 . MODE

-



وهى كيفية توصيل الموبيل بالبوكس
او الكابلات المستخدمه للاجهزه الصينية
اولا كابل البن اوت

وهو عابرة عن كابل عادى وتوقم بتوصيلة على الموبيل من خلال البن اوت الموجود على البورده مباشرة
ولكن كيف تستطيع معرفة الاجهزه التى لها بن اوت على البورده
1- قم بتحميل التحديث الخاص بالبن اوت من سبورت الانفنتى وهو
InfinityUpdate_Pinout_v1.29
2- قم بتصطيب التحديث
3- اذهب الى
C:\Program Files\InfinityBox\pinout
وسوف تجد كل البن اوت لاغلب الاجهزه الصينية

كابلات السوكت

وهى مجموعة كابلات مختلفة السوكت
وتقوم انت بتوصيل الكابل ومعرفة البن اوت على السوكت وعلى هذا تقوم بتركيب الكابل بنفسك بدون فتح الجهاز والصوره المرفقه هى لمجموعة كابلات سوكت
ويمكنك الضغط على اللينك التالى لتحميل بعض الصور لكابلات السوكت

[ندعوك للتسجيل في المنتدى أو التعريف بنفسك لمعاينة هذا الرابط]

البن فيندر

واخيرالبن فيندر وهو بوكس اخر يقوم بالتوصيل مع بوكس الانفنتى وله القدرة على معرفة البن اوت للجهاز او ال TX ,RX للجهاز,
وهنا فى هذا اللينك ملف




يوضح كيفية التعامل مع البن فيندر باللغه العربيه ارجو ان يحوز اعجابكم


ملاحظات هامة
يفضل عمل
Read eeprom .Read flash
قبل الفورمات تحسبا لوقوع اى مشكال للجهاز
عند التفليش يجب قراءة فيرجن الفلاشه ونوع البروسيسور واختيار الفلاشه على حسب نوع البروسيسور من سبورت الانفنتى

شكرا