وفى يوم اتقابلنا

اتواعدنا

واتعاهدنا

ان حبنا نجمه فى سمانا

شمس تنور ضحانا

ويوم ورا يوم يكبر هوانا

وحبيتك ايوه حبيتك

حبيتك فوق ماتتصور

كنت ايامى وسنينى

كنت قلبى ونور عينى

حبيت الدنيا بيك

وحاولت اخد بايديك

افتكرت ان عمرنا ما هنفترق

وان حبنا زيه ما هينخلق

وعشت ليك

ورسمت احلامى بعنيك

ونسيت نفسى

ونسيت الناس

وافتكرتك انـــــــــــــــــــــت

وياريتنى كنت نسيت

واتنازلت ... اتنازلت كتير

اتنازلت عن اى حاجه وكل حاجه

عن مشاعرى .. عن عواطفى

عن امانى .. عن احلامى

عن فرحه اى بنت

عن لهفه اى حب

حتى الفستان الابيض والطرحه

والبيت واللمه والفرحه

قلت قلبى راضى بدل معاك

حبك وحنانك يكفينى

فى البرد يغطينى

من الخوف يحمينى

وافتكرتك بتحبنى

وفى حضنك هضمنى

اتارينى كنت غلطانه


دى قلوب الناس سعرانه

بس ما انكرش انك كافئتنى

صحيح دوست على قلبى بس علمتنى

علمتنى ان الناس وحوش

من شرهم لن تحوش

علمتنى انك تاخد ما تديش

ومن حبك وحنانك متعطيش

علمتنى ان الدنيا مفيهاش امان

وان الحب ملهوش مكان

علمتنى ازاى اجرح واقسى

واجى على البشر وانسى

والنهارده اديك محتاجلى

بس اعذرنى غصب عنى

مش قادر قلبى يحسك

قلبى مات من كتر ما وجعنى حبك

اسمحلى النهارده اجى على قلبك

مع انى لسه بحبك

سامحنى حبيبى من فضلك

للاسف وصلنى درسك