مفاجآت المتظاهر "أحمد" تجتاج فيس بوك!

[color:10cc=#666]خاص: بوابة الوفد:

انتشرت على موقع "فيس بوك" مشاركة بعنوان (الشعب...يريد...اسقاااط النظام) التي كتبها أحد الشباب المتظاهرفي ميدان التحرير يوم 25 يناير، هو الشاب أحمد عبد الحميد، التي كتبها في ساعة متأخرة بعد رجوعه من المظاهرات.
المشاركة عبارة عن ملاحظات أو كما كتب مفاجآت، عاشها على مدار ساعات "يوم الغضب".
المشاركة نعرضها كما هي دون تدخل، فقط نشير إنها من شاب مصري إلى شباب مثله..
سلسلة مفاجآت
أنا لسة راجع من المظاهرة، تعبان جدا وعندى برد من المية اللى رشوها علينا، ده كله مش مهم، اللى شفته لازم يتحكى، ويتنقل بين الناس كمان..
انا مش هاكتب بالفصحى، مافيش حيل.
اللى شفته النهاردة كان سلسلة من المفاجآت العظيمة ، العظيمة بجد.
المفاجأة الاولى: عدد الناس كان كبير جدا زى ما شفتوا على التليفزيون ، كله كان فاكر انه رايح لوحده ، و الباقى كالعادة قاعد فى البيت ، بس لأ، مش ده اللى حصل.
المفاجأة التانية ان معظمهم شباب، و فرافير، بتوع الفيسبوك ، شكلهم يدل على راحة مادية نسبيا ، وناس كتير من مهن كتير، شفت زملاء فى الكلية ماشفتهمش من عشر سنين فى المظاهرة دى ، غريبة ان دول اللى نزلوا مع انهم فى معظم الاحوال مش مطحونين أوى زى بقية الناس.
المفاجأة الثالثة: على الرغم من ان معظم الناس شباب بس كان فيه كبار و ستات فى الخمسينات و ما شيين على مهلهم كده، و مش قليلين ، كتار، و كان فيه ناس ماشيين بولادهم.
المفاجأة الرابعة، كان فيه بنات معانا ، أو عشان أكون دقيق كانوا اكتر مننا فى الجروب بتاعنا ، و بنات فرافير من اللى تشوفهم فى الشارع تقول دول متربيين فى شرنقة دهب ، و مايعدوش الشارع لوحدهم ، بس ايه رجالة ، و جدعان ، بنات بس رجالة ، مش عارف ازاى.
المفاجأة الخامسة، كنا خايفين على البنات ان حد يتحرش بيهم ، ما حدش ، كله كان محترم ، و خايف عليهم اكتر مننا ، ده دليل ان التحرشات اللى بتحصل من مدسوسين من الداخلية.
المفاجأة السادسة: ما فيش عنف، خالص خالص ، و لما ناس بدأوا يهاجموا عربيات الامن المركزى اللى رشوا علينا مية، بدا كله يهتف: سلمية، سلمية ، سلمية.
المفاجأه السابعة: لما و صل الاعتصام التحرير و قعدنا فى التحرير، فيه ناس بعد كده بدأوا ينظفوا الميدان من المخلفات عشان الناس تعرف اننا متحضرين.
المفاجأة الثامنة: بصيت على الحتة اللى كنت فيها فى الميدان لقيتها نضفت فعلا!
المفاجأة التاسعة: بنت معانا ماكنتش اعرفها بتحلف بالمصحف و بالنبى عرفت انها مسيحية ، الغريب انه مابانش!!! ليه؟ عشان كلنا بنحب بلدنا و بنهتف عشان تبقى احسن ، فما بانتش الفروق الطفيفة دى.
المفاجأة العاشرة: مقدار النشوة و الفخر و انت يتهتف باسم مصر باعلى صوتك "مصر...تصفيق قوى..مصر...تصفيق فوى"، البلد اللى المفروض انه وطنك، و بتحلم طول عمرك انك تعيش فيه بقية عمرك، من غير ما حد يتهمك أو تتهم نفسك بالعاطفية و الحمق ، أخيرا بتعلن انك بتحبه ، ومن غير خجل.
المش مفاجأة الحادية عشر: فى و سط الخوف و القلق من اللى ممكن يعمله الامن ، تبص للسما و تهتف مع عشرين أو تلاتين الف و تقول الله أكبر و ياااااااارب، و تطمن ، لانك نصرته ، فهو أكيد هاينصرك، وقد فعل و له الحمد و الشكر.
المفاجأة الثانية عشر: جميل منظر الناس و هم فى وسط ده كله يتجمعوا و يصلوا جماعة.
المفاجأة الثالثة عشر: شباب مصر شباب زى الفل، من غير مبالغة، و بكل ما فى الكلمة من معان: شهم، جدع، بيحب بلده، واعى و فاهم جدا ، وربنا فى قلبه.المفاجأة الرابعة عشر: أقوى هتافات كانت بتجمع الناس كانت هى الموجهة لمبارك ، و النظام ، الشباب فاهمة أوى و عارفة فين المشكلة ، الهتافات التانية ماكانتش بتلاقى نفس الحماس.
المفاجأة اخامسة عشر: شفنا ابراهيم عيسى و الناس بتشيلوا على الاكتاف، و حبهم ليه ظاهر وواضح، و قابلت نوارة نجم، و سلمت عليها، و كانت مدمعة من الفرحة من جمال و بهاء اللى شايفاه، فعلا، المحترم محترم فى كل حاجة ، و اللى بيرضى ربنا مش نفسه، ربنا بيديله كتير ، كتير أوى.
المفاجأة السادسة عشر: احنا بفضل الله خيطنا الجيزة، و كل ما يحاولوا يوقفونا يلاقوا العدد كبير و يفتحوا، مصطفى محمود، شارع جامعة الدزل ذهابا و ايابا، البطل احمد عبد العزيز ، ميدان الدقى، ، شارع التحرير، الاوبرا، ميدان التحرير..
كتير كنت باحس انى خايف و مش عايز اتضر، بس مافيش خيار آخر، ده باطل و ظلم ، ولازم نحاربه، ربنا أمرنا اننا نحاربه ، لانه مش خالقنا اعتباطا، لو كان خالقنا عشان نعبده و نستمتع بنعمه، و خلاص، يبقى فين الفايدة ، ربنا خالقنا عشان نعمر الارض، و نستعمل نعمه فى ان احنا نحارب الظالمين و ننشر العدل، و هو قالنا من الاول ، عمرك و رزقك بايدى مش بايد حد تانى ، انطلق انت بأه ولا يهمك.
اكسر خوفك و انضم للي بيدافعوا عن الحق ، مسلمين أو مسيحيين، مش بتحلم ان ولادنا يكبروا فى وطن؟ يكون همهم اختراع كبير بيعملوه فى جامعة محترمة، أو كتاب معقد بيألفوه، بدل ما احنا مستهلكين فى العيشة و اللى عايشينها، و الشغل التافه اللى كلنا بنعمله، ايوه تافه، انت يا الا دكتور عارف انك اتعلمت اى كلام و بتوع بره احسن منك بمراحل او مهندس زيي ما يحلمش انه يعمل شىء معقد، كل اللى بيعمله اتعمل قبل كده خمسين مره مع فرق التفاصيل الغير مهمة، و لو عايز فلوس اشتغل فى البيع واللا التسويق ، أوتلاقيك بتعلم فى جامعة و عارف ان اللى بتعلمه مضى زمنه و حتى لو كان كورس كويس انت متأكد ان تلاميذك مش هايشتغلوا بربعه، لانهم هايتخرجوا يشتغلوا فى الكلام الفاضى اللى احنا بنشتغل فيه (ده لو اشتغلوا)، ما عندناش ناسا و لا هارفارد و لا كليفلاند و لا ام أى تى، انسى. انا لما بابص لابنى اللى عنده شهر بافكر لو ربيته كويس هل ينتهى زيى، مشغول بالقرف اللى بيحصل، و غالبا هاينضم لاى حركة، عشان يطلع الغل اللى جواه، و الله أعلم ايه اللى هايحصله، يا الا اربيه أى كلام فيطلع حرامى أو حزب وطنى، يا الا يسافر و اشوفه كل سنة مرة ، يا الا اتكل على الله و احاول انى اصلحله البلد.
الاخبار ان الامن فض الناس فى ميدان التحرير، ما اعرفش ايه اللى هايحصل بكره أو بعده أو بعد شهر، الناس دى زينا ، بيتظاهروا عشان الظلم بيوجع ، و بيئلم، فيه ناس ماتت ، و فيه ناس اعتقلت و لسة هايكملوا ، عشان الحرية و الكرامة طعمهم جميييييييييييييييل ، روح خليك معاهم، خليك مع الحق ، سواء فى ميدان التحرير، أو فى أى حته فى المستقبل، ما تنساش ان كله بايد رب العالمين، رزقك و صحتك وعمرك، و لو ما كانش اللى ماتوا فى المظاهرات ماتوا شهداء النهاردة، كانوا برضه هايموتوا فى نفس المعاد فى حادثة هابلة، أو أى حاجة من الحاجات اللى بتموت الناس فى مصر لاتفه الاسباب.
المفاجأة الاخيرة، نسيت أقولها معلش: مصر بلد محترمة شعبها حى و بينتفض عشان كرامته، و ظهر على الجزيرة أخيرا و هو بيصرخ و يقول ،وش كده من غير لف ولا دوران: "الشعب...يريد...اسقاااط النظام".

الموضوع الأصلي : مفاجآت المتظاهر "أحمد" تجتاج فيس بوك! المصدر : منتدى الجمال الباكى الكاتب: عذاب الحب

أقسم بالله العظيم رافع السماوات أنني أقرا هذا المقال والدمون تنزل من عيني لما فيه من معاني تسمو فوق كل الكلمات
اقول لكل مصري حر اخرج مع خوفك عاونهم فهم بحاجة الى مساعدتك بحاجة إلى صوتك لتهتف معهم
ايها الجندى فكر قبل ماتضرب بعصاك او بسلاحك بتضرب مين بتضرب ابن بلدك
فكر ولو لحظه الناس دى كلها غلط وكلاب الفساد هما اللى صح
فكر اما تموت وتقابل رب كريم هتقله ايه معلش يارب بنفذ تعلمات
امشى وراء قلبك اللى هوه قلب الشعب مش قلب كلاب الفساد
نتمنى الاستمرار لان هذه فرصة لينال الشعب المصري حريته ولو ضاعت فلن نستطيع ان نغتنم فرصة مثلها .
حررررررررررررررررررررررررررررررررررررررررررررررررررررررررررريه
وما النصر الا من عند الله
موت بكرمتك موت بشرفك
الجنه بانتظار كل من يموت من اجل الوطن والحق وضد الظلم

الموضوع الأصلي : مفاجآت المتظاهر "أحمد" تجتاج فيس بوك! المصدر : منتدى الجمال الباكى الكاتب: عذاب الحب

عدل سابقا من قبل عذاب الحب في الخميس 27 يناير 2011 - 18:43 عدل 1 مرات

بارك الله فيك اسامه

وبارك الهم كل ادمي

ومسلم له عرق مسلم وعروبة تحمي

الاهل من الفساد والحاكم الظالم

رئيس وعايز الشعب اغنام الرعية

رئيس لا يابه بالشعب وقت الحاجة للقمة العيش والرغيف

رئيس فقط للاجتماعات والمغلقات السرية الفادحة لكل اسلوب

ابن ام صهيونية امه يهوديه امه امريكانيه

دمر الشعب وشحتهم قسى عليهم وهانو عليه دمرهم بقوة النفوذ والسلطان

شعب مصر شعب منا ضل يا خاين العهد والدين

يا خاين لله فين الامانة الي في قلبك لهم

هم الي وضعوك للحكم وشرفوك الكرسي الي حتموت وتفارقه

شعب مصر اكبر نسبة من الشعوب بيحب الوطن ليه تحرمه يناضل

لاجل يكون شعب مرتاح شعب يحب العلم شعب يحب الله

بالفساد سيبته وتركته وطينت عيشته لاجل الفقر خليته شعب مسكين

بيدور بس علقمة عيش وسكن لاولادهـ

قوم واتزحزح عن الكرسي اخرتك في لفة قماش ومش تاخد لا كرسي ولا سرير هناك

في حساب وعذاب ويوم تسال عنه عملت ايه للحكم والشعب

ااااااااااااااااااااااااااااااااه وااااااااااااااااااااااه اسلااااااااااااااااامااااااااااااااااااااهـ

الموضوع الأصلي : مفاجآت المتظاهر "أحمد" تجتاج فيس بوك! المصدر : منتدى الجمال الباكى الكاتب: شهد

لسه ما فنيت اخي عذاب
الخير قادم وات لا محال
ولا بد ما الانسان يصحى مهما طالة غفلته
اشكر قلمك المتميز

الموضوع الأصلي : مفاجآت المتظاهر "أحمد" تجتاج فيس بوك! المصدر : منتدى الجمال الباكى الكاتب: الحزن عنواني

» مفاجآت جديدة مذهلة في مقتل السندريللا
» النيابة ستكشف مفاجآت لإدانة مبارك
» زمالك شحاتة ينجو من فخ مفاجآت الكأس أمام دجلة
» وكيله يفجر مفاجآت:رينارد رفض المصري والخليج وكوت ديفوار من أجل الأهلي
» من هو أحمد شفيق؟

مفاجآت المتظاهر "أحمد" تجتاج فيس بوك!

مفاجآت المتظاهر "أحمد" تجتاج فيس بوك!

مواضيع مماثلة

مواضيع مماثلة