حكايتى والنت

بسم الله الرحمن الرحيم

معلش اتاخرت عليكو كنت تعبانة شوية

ازيكو كلكو وحشتونى اوى

انا النهاردة اجازة ودخلت النت تانى وروحت الشات دة اللى فىة الواد المسبسب اللى بيقولى كلام حلو

اول ما دخلت الشات تقولو الملكة اليزابيث دخلت هههههههههههههههه

ترحيب واية كان اول مرة وحدة حلوة زى تدخل ههههههههههههههههه

وطلعلى خاص مربع كدة بيدخل يتكلمو بية انا واى شخص بدون اى حد ما يشوف الكلام المهم

قالى فينك ا نا قلقت عليكى اوى انى مش دخلتى كل دة بتعملى اية وانتى وانتى

ياااااة حسيت اد اية انى مهمة وان انا مش وحيدة وحد بيسال عنى بصراحة شغلنى اهتمامة

حتى لو كانت مجاملة عشان يستقبل الناس حلو بس اناكنت مبسوطة اوى بصراحة

فضل بقة يكلمنى كلمتين ويرد على الناس كلمة واى حد يدخل يرحب بية مش اوى بس بيرحب

استغربت لاسلوبة قولت اكيد الناس كلها عندة واحد

قولت وعلى ايى هشغل نفسى لية روحت مكان تانى غير اللى كانو بيتكلمو فية كلنا اسمة رووم تانى

وجالى شاب كدة مسمى نفسة اسم رومانسى كدة مش فاكرة ويقولى نتعرف لسة هتكلم

والاقى التانى على المربع الصغير اللى اسمة الخاص اية وداكى هناك وبتكلمى مين يا هانم

ههههههههههههههههه

هانم يا خراشى دة بيغير عليا يالهوى بجد كنت طايرة قولتلو فى ايى انا بتعرف على الناس قالى لالا مش تتكلمى مع اى

حد هنا فاهمة قولتلو لية دة مكان عام والكل بيتعرف قالى لاء

انا بكلم الناس عشان انا برحب بيهم مجبر انتى تكلمى لية

سكت وفكرت كتير

قولت يمكن دة ربنا بعتة ليا يشغلنى وينسينى الوحدة والملل اللى انا فية دة

قولتلو حاضر وانا مبسوطة بس سالت نفسى سؤال لية بيعمل معايا انا كدة بالذات يا ترى انا اول وحدة ولا قبلى كتير

وبعدى اكتر احترت قولت وعلى اية اسيب قلبى يتكلم

الله بت يا صدفة قلبك اية يا مجنونة دة وهم هو انتى عارفة اسمة شكلة صفاتة شخصيتة

سكت وقولت لالا مش هدخل هنا تانى وابعد عشان مش اتعلق على الفاضى

ثوانى ماما بتنادى محدش يشى

انا جيت كنت بعمل لماما قهوة المهم

رجعت تانى المكان اللى هو فية واستغربت لشى فى بنات كتير بيكلمهم زى ما بيكلمنى اوى

سيبت المكان واضايقت لاقيتة ورايا قالى مالك قولت هخرج قالى اضايقتى قولت انت حر

قالى دول كلهم عادى اصدقاء حبيت اوى الكلمة دى وخوفة على زعلى

بس فى نفس الوقت قولت اية دة انامكملتش اسبوع معقولة؟

والمفاجاة بقة لاقيت حد فى المربع دة بيقولى اية انتى يا حلوة!!!!!!

بكرة نكمل بقة واقول لكو على اللى عرفتة يا نى

تصبحو على خير الوقتى

الموضوع الأصلي : حكايتى والنت المصدر : منتدى الجمال الباكى الكاتب: صدى الحب