*** ملازم خطوتى دايما *** ومش راضى تفارقنى ***

*** ومهما حاولت يوم ابعد *** بلاقى الخطوة تلحقنى ***

*** ولا عنى فى يوم تبعد *** ولا حتى يوم بتسبقنى ***

*** ودايما خطوتك جنبى *** بنفس الضحكة والرسمة ***

*** وحتى فى ضلة الدمعة *** ولما تترسم بسمة ***

*** بتقسمها كدة معايا *** وتحكيها فى يوم ليا ***

*** لحد ما يتولد غيرها *** كأن القسمة دى غيه ***

*** ما بينى وبينك الدنيا *** وفى قلوبنا كتير اسرار ***

*** بتحجزها كدة عيونا *** لحد ما تكبر الاشجار ***

*** وتعلى شوية بشوية *** لحد ما تسجنك اسوار ***

*** وتسجنى انا جنبك *** فى ضلمة وحزننا باين ***

*** وبرضة لسة ملازمنى *** ومش عاوز فى يوم تبعد ***

*** وكل ما نيجى نتكلم *** بتحلف برضة وبتوعد ***

*** هييجى اليوم وتنسانى *** وعنى فى لحظة راح تبعد ***

*** وهتحرر انا منك *** تعدى ليالى والتانية ***

*** ولسة الوعد ما وفيته *** ولما باجى وبلومك ***

*** كأنة سر وداريته *** على قلبى ومش راضى ***

*** فى يوم تفتح لى وتسيبه *** معايا بترسم الفرحة ***

*** لوحدك حزننا صابك *** ولما حانت اللحظة ***

*** فتحت لقلبى سردابك *** فى لحظة ما اتقفل بابك ***

*** على عمرى واحلامى *** ربطت نهايتى بعذابك ***



****** يا رب تنول اعجابكم جميعا ******