لقاءات وحوارات شاب لفتاة انتهت بالزواج (قصة جميلة ومضحكة جدا)

تذكير بمساهمة فاتح الموضوع :

[

لقاءات وحوارات شاب لفتاة انتهت بالزواج (قصة جميلة ومضحكة جدا) - صفحة 2 1zme2clex4

لقاءات وحوارات شاب لفتاة انتهت بالزواج (قصة جميلة ومضحكة جدا) - صفحة 2 Untitled1cc5

لقاءات وحوارات شاب لفتاة انتهت بالزواج (قصة جميلة ومضحكة جدا) - صفحة 2 4sy6

لقاءات وحوارات شاب لفتاة انتهت بالزواج (قصة جميلة ومضحكة جدا) - صفحة 2 Welcome17ft9

اقدم لكم قصة جميلة جدا من تأليفى ياريت تعجبكم

تتجـــوّزينـــي
؟؟

تتجوزيني ؟ -

ـ أفندم ؟

ـ بقولك تتجوزيني ؟

ـ ؟؟؟

ـ تتجوزيني ؟

ـ لأ

ـ ليه ؟

ـ بصراحة كدة شكلك مش عاجبني

ـ إزاي يعني ؟

ـ يعني .. أصل أنا ليا مواصفات معينة
لفارس أحلامي

ـ مواصفات معينة ؟ .. هو انتي هتتجوزي عربية؟

ـ
لأ ! .. بصراحة كده .. إنت مش فارس أحلامي اللي باتمناه

***********************************

ـ
تتجوزيني ؟

ـ إيه ده ؟ شكلك اتغير

ـ إيه رأيك ؟

ـ واو .. شعرك بقة ناعم ! .. دي باروكة ؟

ـ أيوة

ـ ودي عدسات خضراء ؟

ـ أيوة

ـ واو ! .. بس بجد
.. بقيت وسيم .. واو ! ده انت بقيت شبه نيكولاس كيج

ـ مين عباس كيج ده
؟

ـ عباس ؟!! ياي .. إيه عباس دي ؟ اسمه نيكولاس

ـ مين
نيكولاس ده ؟

ـ بقة مالكشي في السيما وجاي تكلمني ؟ .. ياي

***********************************

ـ
تتجوزيني ؟

ـ انت لسه ليك عين تكلمني ؟

ـ أيوة .. أنا عرفت
مين بنكرياس كيج ده

ـ أولاً : اسمه نيكولاس كيج

ـ أيوة
أيوة .. كنت هاقول اسمه صح .. بس اختصرته .. ده ممثل

ـ ممثل إيه ؟

ـ ممثل أمريكاوي

ـ أمريكاوي ؟! .. إخّييي ! .. اسمه
أميريكان يا بابا .. ما تبقاش دونكي

ـ دونكي دي تبقى شتيمة ؟

ـ أوف كورس

***********************************

ـ
تتجوزيني ؟

ـ عندك عربية موديل كام ؟

ـ موديل دي
تبقى شتيمة ؟

***********************************

ـ تتجوزيني ؟

ـ قوللي الأول .. حاطط أنهي
نغمة في الموبايل بتاعك ؟

ـ نغمة دي تبقى شتيمة ؟

***********************************

ـ تتجوزيني ؟

ـ ما قلتليش .. إنت
بتشتغل إيه ؟

ـ أنا -بلا فخر- عاطل

ـ عاطل ؟ .. ياي

ـ مش أحسن من اللي ما بيشتغلش ؟

ـ لا

ـ يعني مش هتتجوزيني ؟

ـ لا

ـ كدة أنا
أزعل

ـ ما تزعلش يا بابا .. خليك فريش

ـ ماشي ..
ماشي .. بس قوليلي

ـ إيه ؟

ـ فريش دي تبقى شتيمة ؟

***********************************

ـ تتجوزيني ؟

ـ لقيت شغل ؟

ـ
أيوة طبعًا .. سنتين وأنا بادور .. أخيرًا لقيت

ـ وإيه هو ؟

ـ سواق تاكسي

ـ ياي ! .. مش مكسوف وانت بتقولها ؟

ـ فيها إيه ؟ العمل شرف .. وكلها كام سنة وأجمع مبلغ كويس

ـ شرف ؟ جتك القرف

***********************************

ـ
تتجوزيني ؟

ـ جمعت مبلغ كويس ؟

ـ طبعًا .. مبلغ كبير جداً

ـ قد إيه يعني ؟

ـ ألف جنيه

ـ نعم ؟!!! ..
ألف جنيه دول تروح تسرح بيهم بعربية ببطاطا

ـ يعني موافقة ؟

ـ روح اتنيّل

***********************************

ـ تتجوزيني ؟

ـ عندك شقة ؟

ـ
طبعًا .. أوضة على السطوح

ـ نعم ؟

ـ إيه المشكلة ؟! ..
أحسن ما ننام في الشارع

ـ في الشارع ؟! .. إيه الألفاظ السوقية دي ؟
ياي ! .. لازم يا بابا

تجيب شقة

ـ طيب .. كلها كام سنة
وأجيبلك أحسن شقة في الدنيا

ـ وهتجيبها في جاردن سيتي ولا في الزمالك ؟

ـ لا .. في الأهلي .. هههههههههههه علشان انا اهلاوى

***********************************

(
بعد سنوات)
:

ـ تتجوزيني ؟

ـ جبت الشقة ؟

ـ أيوة .. الحكومة بتبني شقق للشباب وأنا خدت شقة .. صحيح

إنها
اتأخرت لسبع سنوات .. لكن المهم إنها جات

ـ فانتاستيك

ـ بس الشقة ناقصة حاجة

ـ إيه هي ؟

ـ
مفيهاش حمام

ـ امشي من قدامي ! .. مش طايقاك

***********************************

ـ تتجوزيني ؟

ـ إنت تاني ؟

ـ جبتلك
حمّام إنما إيه

ـ خليه ينفعك

ـ ليه بس ؟ .. ده
ينفع لينا احنا الاتنين

ـ وأنا مالي ؟

ـ مش عاجبك ..
مش مشكلة .. أكتبه باسمك

***********************************

(بعد سنين)
..

ـ هتتجوزيني ولا أولع فيكي
؟

ـ ومالك محروق كدة ؟

ـ حكايتنا طولت قوي .. طولت
أكتر من اللازم

ـ أوكي .. بس ممكن أعرف حاجة ؟

ـ إيه ؟

ـ إنت ليه متمسك بيا أوي كدة ؟

ـ أصل .. أصل

ـ أصل إيه ؟

ـ أصل أنا بحُبك

ـ بحُبك ؟!! .. إيه بحُبك دي ؟!

خليك روش وقول

I love you

ـ ماشي .. بس قوليلي

ـ نعم ؟

ـ روش دي تبقى شتيمة ؟

***********************************

ـ
تتجوزيني ؟

ـ بصراحة .. في حاجة كنت عاوزة أقولهالك من
زمااااااان

ـ إيه ؟

ـ أنا بصراحة .. مش شايفة إن في حد
في العالم يستاهلني

ـ يا سلام ! .. ليه ؟

ـ عشان أنا
جميلة .. خفيفة الدم .. رشيقة .. رقيقة

ـ رقيقة ؟! .. ده انت بدأتي
تقشفي

ـ فشر

ـ فوقي لنفسك .. العمر بيجري

ـ أنا مصرة على رأيي

ـ يعني إيه ؟

ـ
يعني اقطع معايا

ـ بعد كل السنين دي ؟! .. بعد كل الحب ده ؟

بلاش تراجيديا من فضلك -

ـ ماشي .. بس قبل ما أمشي
عاوز أسألك سؤال واحد بس

ـ إيه هو ؟

ـ تراجيديا دي تبقى
شتيمة ؟

***********************************

( بعد سنوات )
..

ـ تتجوشيني ؟

ـ إيه ؟

ـ تتجوشييينييييييي ؟

ـ إنت مين ؟

ـ أنا حبيبك يا هبلة .. البشي النضارة عشان تشوفيني

ـ
طيب شاعدني عشان ألاقي النضارة

ـ آهي على الترابيزة قدامك

ـ فين ؟

ـ لا دي نظارتي أنا

ـ أيوة
لقيتها

ـ البشيها بقة

ـ ططييبب

ـ
عينيكي فوق شوية .. ده بقك

ـ طيب لبشهالي إنت

ـ
عقبال ما البشك الدبلة

ـ ما تكشفنيش .. كنت بتقول إيه بقى ؟

ـ كنت بقول تتجوشششيييينيييييي ؟

ـ أكوشك ؟ .. إزاي ؟

ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟

ـ دي شتيمة ؟

ـ لاااااء .. بقولك تتجوشيني ؟

ـ
آه !! .. أجوشك

ـ بالضااااابط .. هاه ؟

ـ شيبني أفكر

ـ أشيبك تفكري ؟! .. ده انت هتموتي خلاش

ـ لا .. شيبني
أفكر بش

ـ ربنا يوفقك

ـ إيه ؟

ـ ربنا
يوفقك

ـ بتقول إيه ؟

ـ ربنا ياخدك

***********************************

(على فراش الموت)
:

ـ
تـ … كوح .. كوح .. تتـ .. كوح كاح كيح .. تتكو .. كوح .. كوح

تتكوشـ ..
كوح كوح .. يني ؟

ـ مش شامعة

ـ بـ .. قوللـ .. كوح ..
كوح .. بقولك .. تـ .. تـ .. كوح .. كوح

تتجوشيـ .. ؟ كوح .. كوح

ـ أجوش مين ؟

ـ هـ .. و.. ه .. كووح .. هوه إنتي ..
كوح كوح .. معرفتيـ

ش .. كوح كوح كيح .. ميـ .. كوح .. مين ؟

ـ
إيه ؟

ـ لاأبدًا .. كوح .. كنت .. بأكح

ـ كنت بتكح
؟!!!! .. شلامتك .. ما قلتليش ليه ؟

ـ هو .. كوح .. إنتي .. مش ..
عارفـ .. ـة .. كوح كوح

ـ بتقول إيه ؟

ـ يا .. ولية ..
كوح كوح .. ردي .. كوح كوح .. عليا .. تـ .. تـ .. جو
شيـنـي ؟

ـ
أجوشك ؟!! .. طب بش خد الدوا الأول

ـ يا وليـ .. ـة .. كوح .. أنتى
.. كوح .. كوح .. هتتجوشيــني ولا لاء ؟

ـ أيوة يا حاج .. موافقة

موافقة إنك تتكوشني ..أخيـراااااً !! .. كوح كوح -

كدة أموت ..
كوح كوح .. وأنا مطمئن ومرتاح .. الوداااااااع ع ع ع

ـ يا حاج .. يا
حاج

لااااااااااااااااااااااااااااا

لا تنسوا الردود
الحلوة

لقاءات وحوارات شاب لفتاة انتهت بالزواج (قصة جميلة ومضحكة جدا) - صفحة 2 W6w200507221351372349dffa3

الموضوع الأصلي : لقاءات وحوارات شاب لفتاة انتهت بالزواج (قصة جميلة ومضحكة جدا) المصدر : منتدى الجمال الباكى الكاتب: love_sniper

هههههههههههههههههههههههههههههههههههههههههه

ضحكتنى من قلبى والله

انا بقى حايشه حد يجوشنى

قبل ما اموت

هههههههههههههههههههههههههههههههههههههه

الموضوع الأصلي : لقاءات وحوارات شاب لفتاة انتهت بالزواج (قصة جميلة ومضحكة جدا) المصدر : منتدى الجمال الباكى الكاتب: ملكة بكبريائى

ههههههههههههه
ارتاح وريح
ربنا يرحمه

الموضوع الأصلي : لقاءات وحوارات شاب لفتاة انتهت بالزواج (قصة جميلة ومضحكة جدا) المصدر : منتدى الجمال الباكى الكاتب: soso samo

ههههههههههههههههههههههههههههههههههههههههههههههههههههه

ملكة يختى خودنى جمبك

ههههههههههههههههههههههههههههههههههههههه

الموضوع الأصلي : لقاءات وحوارات شاب لفتاة انتهت بالزواج (قصة جميلة ومضحكة جدا) المصدر : منتدى الجمال الباكى الكاتب: FULLA

» هل تقبلين بالزواج من رجل اصغر منك؟
» رنات جامدة مزعجة ومضحكة دلع موبايلك
» "العوا" بالتحرير: مهمة "العسكرى" انتهت وعلى "شرف" تقديم الاستقالة
» صور رسم بالزيت جميلة
» حودايت جميلة

لقاءات وحوارات شاب لفتاة انتهت بالزواج (قصة جميلة ومضحكة جدا)

لقاءات وحوارات شاب لفتاة انتهت بالزواج (قصة جميلة ومضحكة جدا)

مواضيع مماثلة

مواضيع مماثلة