احمد كاتشب على كرسى الاعتراف

تذكير بمساهمة فاتح الموضوع :

آحبتي

نبدأ اول استضافتناا وللاسبوع الأول
لاستضافة اعضاءنا المتميزين هنا
.. على كرسي الاعتراف ..
لنكشف الجانب الآخر والجميل من شخصيآتهم ،،
ونرتشف من عذوبة اعترافاتهم ،،

فى سماء منتدانااا ..
سـ نحلق مع ضيف هذآ الأسبوع

.
. احمد كاتشب على كرسى الاعتراف - صفحة 5 088

احمد كاتشب على كرسى الاعتراف - صفحة 5 088

.

شخصية مميزة
له بصمة واضحة في منتدانا
قدم الكثير والكثير
من المواضيع الشيقة والهادفة

رآقي في تعامله ،، صديق ومحب للجميع

وها هي الفرصة قد حانت للكشف عن الجانب الذي لانعرفه عن ضيفنا

المتألق والمبدع :أحمــــــــــــد كـاتشــــــــــــــــب

بأصدق عبارات الترحيب وارق واجمل عبارات الأستقبال

احمد كاتشب على كرسى الاعتراف - صفحة 5 058

احمد كاتشب على كرسى الاعتراف - صفحة 5 058

استقبلك على متن طائرتنا المحلقه في سماء منتدانا ..

لتقوم بالإقلاع على أرض منتدى الجمال الباكى ونتوجه بعدها لقاعه كرسي الأعتراف ليقوم

الأعضاء باستقبالك أجمل استقبال على منصة كرسي الأعتراف ’’

كل ما عليك الجلوس على هذا الكرسي ..

[ندعوك للتسجيل في المنتدى أو التعريف بنفسك لمعاينة هذا الرابط]

فأهــــــــلا وسهــــــلا بمن انتظرناه طويلا ليكون ضيف عزيزا على مقر كرسي الأعتراف

فلنـــــــــرحب جميعــــــــــا بضيف كرسي الأعتراف

احمد كاتشب على كرسى الاعتراف - صفحة 5 065

احمد كاتشب على كرسى الاعتراف - صفحة 5 065

كل الترحيب الراقي اقدمه لك اخي الكريم على أمل ان تقضي معنا امتع الأوقات

وان يستقبلوك منذو وصولك للكرسي أجمل استقبال بالأسئلة الهادفة

أعلــــــــن لك بأن فترة أستضافتكِ معنا ستكون لمدة اسبوع تبدأ من اليوم (( الخميس ))

وتنتهي بيوم (( الخميس)) القـــــــادم بمشيئة الرحمن ..

أتمنى لك طيب الإقــــــــــامة والمتعه معنا

لكم مني اجمل التحايا احمد كاتشب على كرسى الاعتراف - صفحة 5 Ros034

احمد كاتشب على كرسى الاعتراف - صفحة 5 Ros034

اتفضل قهوتك الى ان اكتب لك كم سؤال

[ندعوك للتسجيل في المنتدى أو التعريف بنفسك لمعاينة هذا الرابط]

بسم الله الرحمن الرحيم

بطاقتك الشخصية

أحمد كاتشب فى سطور فماذا تقول؟؟

سبب اختيارك لاسم أحمد كاتشب؟؟

ماهي الرسالة التي تتمني ان توصلها من خلال هذا المنتدى؟؟
لو لديك ورقة بيضاء ماذا تكتب عليها ؟؟
- ماذا تعني لك:

الوطن

الام

المراة
الرجل

الاحلام

وشكراا واترك البقية لاخوتى

احمد كاتشب على كرسى الاعتراف - صفحة 5 062

احمد كاتشب على كرسى الاعتراف - صفحة 5 062

الموضوع الأصلي : احمد كاتشب على كرسى الاعتراف المصدر : منتدى الجمال الباكى الكاتب: دمعة حزن

جمعه مباركه ع الجميع اولا
انا مش هتقدم باساله لاني جديد ع المنتديات وربما لا يعرفني الكثير
لكن
بحسب ظروفي ساتابع واقول اولا الله يعينيك اسأله ماشاء الله ولو انها تاثر ع انتاجه لهاي الاسبوع
و
و
لكم خالص التحيات من اليمن السعيد

ALPRENC

الموضوع الأصلي : احمد كاتشب على كرسى الاعتراف المصدر : منتدى الجمال الباكى الكاتب: alprenc

على فكرة احمد انت ,,,,,,,,
ممتاز الى الآآن
استمر؟؟؟؟؟؟؟؟؟

الموضوع الأصلي : احمد كاتشب على كرسى الاعتراف المصدر : منتدى الجمال الباكى الكاتب: الحزن عنواني

دا ايه الكرم دا كله يا سحر العيون والحزن عنوانى انا كدا مش هقوم من على الكرسى خالص هههااى
بجد بجد ضيافه 5 نجوم بس بعد كدا ياريت الاكل والمشروبات تجيلى لحد الكرسى مش كل مرة هقوم كدا بنفسى
وانتى يا سوسو يا متر مكلفة خاطرك وجاية من روم رياض الاطفال مخصوص علشان تتريقى عليا وتشمتى فيا مااشى
ما انا قولتلك اديلك الاسم احمد كاتشب واديلك الباسورد وتدخلى تحلى مكانى شوية لكن صحيح محدش بينفع حد فى الزمان دا

يلا ما علينا

المهم منورين جميعاً بلا استثناء ويارب ما حد يزعل منى علشان تأخيرى فى الرد >>> ( عجبانى القعدة )

اما انتى يا ساسو
اشوف فيكى 3 ايام ورا بعض
كل دى اسئلة يا مفترية
عملتيلى عقدة وجبتيلى احباط
ما علينا هعمل ايه
مجبر اخاك لا بطل

يلااا

بسم الله ابدأ

1كل انسان وله أمنيات وأمال ,, يا ريت تخبرينا عن الحلم اللي يراودك أو بالأحرى الأمنيه اللي تتمناها؟؟

امنيتى هى شفاء والد ووالده الجمال الباكى وان ربنا يلهمهم الصبر
واتمنى منكم الدعاء لهم
اما الامنيات والامال فى حياتى فانا ولله الحمد قنوع مش قله طموح لكن انا شايف انى كدا تمام اوى والحمد لله

-شو أصعب المواقف اللي مريت فيها ؟؟

وفاة الجمال الباكى
وفاة صديق طفولتى وتوأمى
وطفل صغير ابن جيرانا كان مصاب بمرض لعين ويوم ما اتوفى تعب قبلها وجرينا ناخده للدكتور وشيلته انا لكن ربنا اراد ان يتاخذه لجواره واتوفى على ايديا
وموقف تانى يمكن كوميدى تراجيدى زى ما بيقولو
والدى ووالدتى جالهم حاله اغماء الاتنين فى وقت واحد وكنت انا فى حاله لا احسد عليها من الهلع والفزع وعمال اجرى من دا لدا مش عارف افوق مين ولا مين
الحمد لله

-يُقال " التعليم في الصغر , كـ النقش على الحجر " .. ماهو الشيء الذي تعلمته منذ نعومة أظفارك ؟

الصبر وعدم اليأس

- ايش بتسوي لو انك بمنتزه او اي مكان و شفت بنوته او اي شخص قزم و شكله يفطس من الضحك(استغفر الله) بس انتا ابتسمت ، وجاء يقولك يا اخي لييش تبتسم ؟ رح تقول لهم السبب و لا ( لا )؟

سؤاله فى الوقت دا هيخلينى اضحك اكتر وبشكل هيسترى للاسف ودا غلط طبعا بس مش سخرية والله ربنا يسامحنى لكن مش معقول هقوله
يعنى الاجابة لاء

من اقرب الاعضاء لكـ

الاعضاء القريبة منى اللى ممكن اتكلم معاهم عن شىء فى حياتى او حاجه تخصنى واخد رايهم
الحزن عنوانى , سحر العيون , بقايا انسان , سوسو سامو , صدى الحب , fulla (ولاء), دندونة

ومين من الاعضاء يلفت نظرك اكتر

الحقيقة اكتر من شخص لان كل شخصية ولها مميزتها
سحر العيون شمس المنتدى الساطعه وركن اساسى فى المنتدى بجهدها الخارق وعطائها اللا محدود وصاحبة بصمة مميزة
الحزن عنوانى العقل المفكر عقلية متميزة ومستنيرة ومتعددة المواهب واديبة كبيرة بتنتقى مواضيع هادفه بتلمس مناطق حساسه فى حياتنا
حـ@@@ــام بقلمه المغوار اللى اعاد رسم ونحت معالم منتدى الجمال الباكى من جديد واضاف له هيبة
سوسو سامو فاكهه وروح المنتدى اللى بتضفى بهجه وسعادة ومواضيعها المسليه اللى بتخلق الالفه بين الاعضاء
الجنتل قلمه كالبحر فى هدوءة ورومانسيتة حين يكون حالما ومرعب ومخيف فى ثورته وغضبه وانا بجد من اشد المعجبين بيه
سجين الاحزان السهل الممتنع بمواضيعه القوية فى مضمونها والسهله فى التعبير عن احساسه
شهد الدينامو والموتور ال 36 حصان اللى المنتدى كان فى اشد الحاجه له بمواضيعها المتنوعة وتفانيها واخلاصها
fulla , ودندونة شعلتى النشاط والرئتين لمنتدى الجمال الباكى بحماسهم ونشاطهم
عذاب الحب جناح المنتدى الطائر اللى اضاف تميز لمنتدانا من خلال خبراته ومعلوماته بالاضافه لمشاركته القوية فى المنتدى بشكل عام
fernando torres حمال الاسية اللى رفع على عاتقه حمل كبير اوى وهو المنتديات الرياضية باكملها وصاحب جهد غير عادى
القلب المجروح الغائبة الحاضرة اللى افتقدناها الفتره الاخيرة لغيابها واللى اتمنى عودتها عما قريب لاعادة التوازن للمنتدى
ساندى بل نحلة المنتدى التى لا تكل ولا تمل واتمنى ان يكون عندنا ولو 10 ساندى بل لكن اعتقد ان مفيش غير ساندى بل واحده بس
احلى عيون التلميذة النابغة بعقليتها الممتازة وحبها فى انها تتعلم كل شىء وحبها ايضا فى تقديم ما يفيد الاعضاء
alprenc العاشق الولهان اللى رغم ظروفة وانشغاله الى ان حبه وحنينه لمنتدى الجمال الباكى يجعله يتحدى ويسعى للتواصل معنا
وفى ناس تانية يمكن اكون للاسف نسيت اتكلم عنهم لكن اللى ذكرتهم بجد بجد اهرامات المنتدى

اكتر موضوع عجبك

الف ليله وليلة بقلم سحر العيون
وموضوع اثر فيا
انكسار النفوس وزجاجات العطور بقلم شهد

ايش رايك في الصوره الرمزيه او توقيع تعبر عن شخصية العضو

مش غالبا بتعبر عن شخصية العضو الصورة الرمزية او التوقيع
لكن ممكن توحى بشىء او حبه لشىء او تعبر عن حالته النفسية

بداية ما هو روتين حياتك اليومي ؟

مفيش روتين ثابت لكن بردو اقول
استيقاظى بيكون متأخر غالبا فى الايام العادية الا اذا كان عندى شىء مهم او ميعاد
ودا بيرجع لانى بنام غالبا فى نهار اليوم التالى
بصحى اخد حمام واصلى وافطر مع والدتى ومحمود اخويا فى الايام اللى مفيهاش دراسه له
وانزل اروح المحل وهوا محل مكونات كمبيوتر وبيع وشاء واستبدال وانا شريك فيه انا وواحد صاحبى اسمه ايهاب
وبفضل فى المحل لحد الساعه 5 مساءً وايهاب بيجى يستلم منى وبعد كدا بروح اتغدى فى البيت ولو جانى اى شغل خارجى عند زبون مثلا بروح ولو مفيش بنزل على السيبر وهوا خاص بى وبفضل فى السيبر لحد ما اروح انام دا طبعا روتين حياتى العادى او اليومى الا اذا طرئت مستجدات وطبعا يوم الجمعه بيكون مختلف لان دا اليوم اللى بزور اختى فيه
بس مش فاكر حاجه تانى

لماذا اكملت الدراسة الجامعية؟

علشان اثقل موهبتى او هوايتى بالدراسه العلمية وتحسين مستواى الثقافى

ما سبب اختيارك للتخصص الذي تدرسه؟

لعشقى للتكنولوجيا والالكترونيات

ما الشئ الذي لا تقدر الاستغناء عنه ؟

شىء يعنى مش شخص يبقا جهاز الكمبيوتر

ماذا يمثل لك والديك؟

كيانى كله

عندما تختار صديق ما الذي يلفت انتباهك له؟

صدقه , عقليته , طيبة قلبه , بساطته

هل انت واثق من نفسك ؟

طول عمرى ثقتى بنفسى تفوق الحد
وعمرها ما قلبت معايا بغرور ابداً الحمد لله
ودا لانى عمرى ما بأقدم على شىء الا وانا متمكن منه 101 % 100

من مقولات احفر بئر بأبرة ولا تفهم تيس : ما رأيك انت

المقوله اوقات بتكون صح من وجة نظر ناس لكن عن نفسى
اعشق التحدى وكسر كلمة مستحيل وعندى اصرار وصبر يزهق الصبر منى
وعندى حب المعرفه والتعلم وكمان اعشق جداا انى اعلم او افيد حد

1متى يبلغ البنيان يوما تمامه إذا كنت تبنيه وغيرك يهدم"

تعنى هذة الجملة ان مجهودك الذي تبذله في عملك او في اي شئ يختص بك
لن يتكمل طالما هناك من يعرقل ويخرب ويضع لك العقبات
ولكنى ايضا ارى ان كل شىء بالصبر والعزيمه وعدم اليأس والاستسلام

2_يقال ان الحب اعمى ويقال من الحب ماقتل ويقال ان الحب ترياق
الوجود واكسيراالحياة ؟؟؟ ويظل الحب ذلك الكائن الاسطوري يداهم
القلوب دون استئذان ويجعلهاتعاني من اهاتة واناتة ...
قلم من منظور الشخصي ومن خلال اطلاعي على بعض حكاياالحب
الموجودة في تراثنا الادبي الاصيل ايقنت ان الحب العظيم لا يكتملهل
توافقونى الراي وفي كلا الحالتين لماذا؟؟

لا اوافقك الرأى
ولماذا لانها ليست قاعدة فهناك الكثير ايضاً من قصص الحب الناجحة وهذا يرجع لقوة الحب واولا واخيرا للنصيب والقدر

في قصيدة ابو فراس الحمداني ( اراك عصي الدمع ) يستوقفني بيت
دائماً ( وفيتوفي بعض الوفاء مذلَة -لإنسانة في الحي شيمتها الغدر )
حقيقة اذهلني هذا البيتلان الوفاء والاخلاص لم يكن مذلة هل تستطيع
تفسير هذا التناقض ؟؟؟

الشاعر واضح فى تعبيره والبيت لا يحتاج لشرح فحين يقابل وفائك واخلاصك بالغدر يشعر الانسان بانكسار ما بعده انكسار يصل الى المذلة ودا بيصدر من انسان معدوم الاحساس

احمد ايه رايك

بساسو

واحمد الشاعر

عذاب اسامه
وسمسمه
وشهد

ساسو بنوته عسوله ومرحه وقلبها ابيض وبمنتهى البراءة
هى بس خفيفه شوية بمعنى ان ردود افعالها سرعة جدا ودا لصغر سنها ونصيحتى لها نصيحة عامة مش وراها اسباب يعنى انها تنتقى اصدقائها وتبعد عن التقليد الاعمى

احمد الشاعر انسان محترم جدا وطيب جدا وذوق جدا جدا وبصراحة بحبه جدا جدا جدا
نصيحتى او انتقادى له انه لازم يعمل كنترول لنفسه ما بين عقله وقلبه امام اى موقف يصادفه وبلاش اى حاجه تأثر فيه بسهوله

عذاب اسامه حبيب قلبى بجد من احسن الناس اللى عرفتهم خلقاً واحتراماً وبساطة وتلقائية ومحب لكل الناس
نصيحى له انه يحافظ على اسامه زى ما هوا

سمسمه سؤال مكرر اتكلمت عن سمسمه قبل كدا من خلال اسئله الحزين

شهد هقتبس كلامى عن اسامه فى رأيى فى شهد لانها هى كمان انسانه مثال للادب والاحترام والسلوكيات وطيبة القلب والتلقائية لما بتتيح ليا الفرصه وتكون فى الشات واشوفها بتتكلم بحس ان الدنيا دى سهله وبسيطه اوى واحنا اللى بنصعبها ودا لالتزامها وايمانها وتمتعها برضى النفس وحساسه جدا بتتأثر بحال الناس وبتشيل همومهم
ونصحتى لها زى اسامه بردو انها تحافظ على شهد بطبيعتها الجميله

بتحب لون ايه

اللون اللى عنيا بترتاح لرؤيتة عامتاً فى الحياة هوا اللون الاخضر
اما فى ملابسى وكدا فأنا مدمن اسود

بتحب فيلم ايه

مش بتابع افلام اوى يعنى ولو فيلم سمعته مرة مش بسمعو تانى الا نادرا جدا ولو حصل بتفرج منه على اجزاء بس
لكن فى فيلم سمعته واعجبت جدا بالقضيه اللى بيطرحها او الهدف والمضمون بتاعه
وهوا فيلم حسن ومرقص لعادل امام وعمر الشريف

هل عندك الجرائه تقول عمرك كام

سؤال مكرر لكن
24 / 11 الجاى اكون 25 سنه

احب اكله

محشى ورق العنب

احب مشروب بيره هههههههههه

بلعب بوكر وبشرب جون ووكر هههااى
طبعا لاء بس مشروبى المفضل واللى مش بستغنى عنه ابدا الشاى والقهوه بس الشاى اكتر وزى المايه عندى مقدرش استغنى عنه

طبعا هتقلنا حبيبت قبل كدا ولا لاء

ايوة حبيت

وبتحب حالياااااااا

بحب حاليا
وفى اللحظة اللى بكتب فيها بقول ويارتنى ما حبيت

وهواياتك ايه

الرسم والعزف على البيانو وكرة القدم والشطرنج

مطربك ومطربتك المفضله

مطربى المفضل اكتر من مطرب بس اقولهم
عبد الحليم , عمر دياب , محمد فؤاد , كاظم الساهر

مطربتى المفضله بردو زى المطربين
ام كلثوم . نجاة , اليسا , اصاله , جنات

عندما أقول لك ( أنا ) بأني أحبك .. هل تصدقني ؟ ولماذا ؟

لا اقدر اصدقك ولا اقدر اكدبك
لان احساسك وتصرفاتك هما اللى هيفرضو نفسهم لو حسيت بالحب دا ووصل لقلبى او لاء

عندما تقول لك ( هي ) أنها تحبك .. هل تصدقها ؟ ولماذا ؟

نفس رد السؤال اللى فوق

عندما أقول لك بأنك كاذبٌ بحبك لي .. كيف تـُـثـبت لي ذلك ؟

هوا المفروض والطبيعى ان احساسى وحبى لو مش لمس قلب اللى بحبها ووصل قلبها مفيش حاجه فى الدنيا هتوصله لقلبها
لكن هوصلها احساسى بانها ملكتنى بكل السبل وهدور على كل شىء او فعل يثبت ويأكد لها انى بحبها واعمله
واضع امامها الاختيار لاى شىء ممكن يثبت لها حبى وهعملو بدون تفكير وهبعد عن اى شىء ممكن يشككها فى حبى ويخليها تكدبنى

ماهو الحب بالنسبة لك أنت ؟ وماهو الحب بالنسبة لكِ أنتِ ؟

نص السؤال مكرر فى ردى على عذاب الحب وهوا ما هو الحب بالنسبه لك
النص التانى دا معرفش لمين بقا لانى قاعد على الكرسى لوحدى هههااى معرفش بتقولى لمين انتِ

ماذا تعني لك كلمة ( أحبك ) من فتاة ؟ وماذا تعني لك من رجل ؟

تعنى لى كلمه أحبك من فتاة اعترافها بمشاعرها واحاسيسها تجاهى بانى الشخص الذى تتمناه وتهواه
واذا كنت لا ابادلها الحب سأشعر بنشوه وسعادة لان هذا معناه ان هناك شىء يميزنى وانى شخص مرغوب
وفى حال اذا كنت ابادلها الحب ستعنى كلمة أحبك لى فرحة قلبى وسعادة الدنيا كلها اكثر من ان اتوج ملكاً على الدنيا كلها

وتعنى لى كلمه أحبك من رجل اذا كانت بعيدة عن اى غرض او وسيلة سعادة كبيرة وصدق والفه وراحة قلبية لا مثيل لها

ما الفرق بين الإعجاب والحب بالنسبة لك ؟ وما الفرق بين الحب الكاذب والبغض الملموس ؟

الاعجاب هوا ان يجذبنى شيئاً مثالياً ومميزاً فى شخص ما مثل اسلوبه او عقليته او جماله او اناقته ولا يشترط وجود احاسيس متبادله او حتى احساس فردى ودائماً الاعجاب يكون مصدرة العقل
اما الحب فهو احاسيس ومشاعر من شخص تجاه شخص اخر او تجمعهما سوياً ويكون الشخص مفتون بكل ما فى حبيبه وليس بشىء محدد ويكون مصدرة القلب والروح ومن المفترض العقل ايضاً

الحب الكاذب هوا خداع من احب لى وايهامه لى بالحب وهوا لا يشعر بى
اما البغض الملموس فهو من يحمل لك الحقد والكراهية وربما سعى لضرك والحاق الأذى بك عن تعمد

هل جعلت في يوم من الأيام كلمة ( أحبك ) وسيلة لك ؟

( الإجابة بكل صراحة .. ؟.. نعم أو لا )

بكل صراحة واسف نعم

متى آخر مرة سمعت فيها كلمة أحبك ؟ ومتى آخر مرة لفظت بها ؟ ولمن ؟ ولماذا ؟

اخر مرة سمعتها من دقايق وانا بكتب ردى دا
اخر مرة لفظت بها امبارح
لمن لحبيبتى
ولماذا لاحساسى بانها وحشتنى اوى وهتجنن عليها رغم زعلى منها

ما الفرق في كلمة ( أحبك ) الآن وفي السابق .. بالنسبة لك ؟

فى السابق كانت كلمة من اربع حروف زى مساء الخير كدا سهله ولسانى بس اللى بينطقها او ايديا بتكتبها
الان تقيلة اوى على لسانى مش لصعوبة نطقها لكن ببقا متلخبط ومعرفش فى ايه وبحس ان قلبى وروحى وكل ما فيا بيرددوها

ماهي المدة التي تجعلك تحدد متى تقول كلمة ( أحبك ) لمن يستحقها ؟

ملهاش مده طبعا احددها
لكن لما احس ان اللى هقوله له امتلك روحى وقلبى وعقلى ومش قادر على كتمانها

تم بحمد الله

بجد انا مبسوط اوى بيكى يا ساسو
وعشان كدا بقولك اوعى تيجى تانىىىىىى
هههااى بهزر طبعا
بجد اسئلتك كانت راائعة

تحياتى لكِ يا قمر

الموضوع الأصلي : احمد كاتشب على كرسى الاعتراف المصدر : منتدى الجمال الباكى الكاتب: .:: احمد كاتشب ::.

برااافو استمر كما انت
وانا اشد على يديك
ادعمك معنويا وروحيا وماديا لو تحب
يلا شد الهمه واحكيلي
انت هلاء هلاء هلاء ايه الي تتمناه في اللحظة دي؟؟؟

الموضوع الأصلي : احمد كاتشب على كرسى الاعتراف المصدر : منتدى الجمال الباكى الكاتب: الحزن عنواني

منورة جداا يا الحزن عنوانى مع انى كان نفسى اناديكى بالاسم اللى دايما بقوله لكى اللى اوله حرف ( د ) هههااى
وكمان عاوز اشكرك على الكنافة النابلسية اللذيذة موت دى
على فكرة انتى مش فى حاجه انك تغسلى الصينيه
نضفتها تماماً

ثوانى بقا اقعد على الكرسى

تمام اوى كدا

يلا

ابدأ بسم الله

1ـ ماهو مزاجكـ غالب الوقت

عنب هههااى
ممكن تقولى غالباً معتدل

2ـ ماهو أفضل أوقاتك في اليوم؟؟؟

فتره الصبح من بعد الفجر لحد الساعه 8 الصبح مثلا
وكمان الفتره من الغروب يعنى من بعد العصر بشوية لحد بعد المغرب بنص ساعه

3ـ بعد ما تخرجت..عقبالي انا,,واتوظفت ما هو اكثر شيء بيشغل بالك وتتمنى تحققه الان؟؟

رديت على سؤال زى كدا بردو عن الطموحات او الامنيات
وزى ما قولت انا الحمد لله راضى تمام الرضى عن اللى انا فيه
لكن لو قولت امنية كمان فهى انى اتزوج من انسانة
على علاقة قوية بربها ولو متدينة ياريت تاخد بأيدى واخد بأيدها اننا نكون قرباء لله
وتكون حنونة وحساسه وبس

4ـ ماهو اكثر شيء يحزنك\يفرحك؟؟

اكتر شىء يحزنى
انى احس انى بعيد او ببعد عن ربنا
انى ازعل والدتى
انى اتظلم او انى اظلم حد او انى اشوف حد مظلوم
مرض اى انسان قريب اوى من قلبى او طفل مريض
فقدان انسان غالى عليا او انى اشوف حد فقد انسان غالى عليه واحس بالنار اللى جواه
انى اكتشف انى كنت مخدوع فى حد قريب اوى وكان بيضحك ويكدب عليا طول الوقت

واكتر شىء يفرحنى
انى اواظب على تعاليم دينى
انى افرح والدتى
انى انصر مظلوم
انى اساعد حد محتاج لأى شىء بأى شكل المهم احس انى عملت له حاجه غيرت من حاله للافضل
انى اقعد مع اولاد اختى او اى اطفال واهزر معاهم واضحكهم
انى اعمل اى حاجه تسعد حبيبتى

5ـ مين قدوتكـ بالحياة؟؟

سؤال شبه مكرر لكن
مفيش شخص تحديداً قضوة ليا
لان الكمال لله واحده
ولانى عندى حب المعرفه بأى شىء واهتمامات مختلفه
لكن زى ما قولت قبل كدا قضوتى فى الحياة جدى
علمنى الصبر وعدم اليأس

6ـ عادة فييك تتمنى انه تتركها؟؟

الغيرة الجنونية
بس مش بتمنى طبعا انى اتركها نهائياً
بس اتمنى اكون اهدأ من كدا فيها لانها بتأثر على حياتى كلها بشكل عام

7ـ هل انت شخص غامض,,او واضح وصريح,,

الصراحة شايف نفسى بين البنين يعنى وسط
والسبب انى بكون غامض مع الغامض وواضح وصريح مع اللى يكون معايا واضح وصريح

8ـ مين بئر أسراركـ؟؟

ميرفت اختى
وكوكى اختى

9ـ مبسووط ع الكرسي؟؟

على فكرة مكنتش اعرف ان الكرسى له رهبه كدا غير لما قعدت بالفعل على الكرسى
لكن بصراحة سعيد جدا فوق ما يتخيل عقلك

10ـ دولة تحب زيارتهاا؟؟

هما دولتين
السعودية وفلسطين

11 ماهو أجمل اسم لولد واجمل اسم لبنت برايك؟؟

هوا فى اكتر من اسم لاولاد او بنات بس اقربهم لقلبى يبقا
اسم ولد يوسف
اسم بنت مريم

الحزن عنوانى سعيد اوى وبشكرك بجد على تواجدك واهتمامك ومتابعتك

تحياتى لكِ

الموضوع الأصلي : احمد كاتشب على كرسى الاعتراف المصدر : منتدى الجمال الباكى الكاتب: .:: احمد كاتشب ::.

» صدى الحب على كرسى الاعتراف
» وعد العيون على كرسى الاعتراف
» قوانين كرسى الاعتراف
» سوسو سامو على كرسى الاعتراف
» محمود الحزين على كرسى الاعتراف

احمد كاتشب على كرسى الاعتراف

احمد كاتشب على كرسى الاعتراف

مواضيع مماثلة

مواضيع مماثلة