هتحمرى الفراخ بطريقة جديدة و طعمها هايكون حكاية


انا سلقت الفرخة عادى جدا

يعنى غسلت الفرخة كويس و بعدين قطعت البصل و لما الحلة سخنت حطيت
البصل
الفرخة
الملح
الفلفل الاسمر بالحبهان
البهارات
ورق اللورا
و كل لما تتشوح من جمب اقلبها على الجمب التانى
و بعدين غطيتها و وطيت النار و لما نزلت ميتها و شربت منها شوية زودتلها الشوربة و ملح الشوربة
و لما استوت

حضرتيلها الخلطة

معلقة صلصة
معلقتين سمنة من وش الشوربة
ملح
فلفل اسمر
كارى
عصير نص ليمونة

قلبتهم ببعض كويس

و دهنت بيهم وش الفرخة
و دخلتها على الشواية فى الفرن

و لما اتحمرت
قلبتها على الضهر و دهنتها ببقيت الخلطة على الضهر و الاجناب
و برده على الشواية تانى

و لما اتحمرت قلبتها على الجمبين علشان تتحمر
و كدة الفرخة متحمرة من كل الجناب و بتلمع من غير لا زيت و لا سمنة
لانها واخدة سمنتها اللى على وش الشوربة
و طعمها حلو جدا و ممكن كمان تحشيها من جوة و بين اللحم بالخلطة دى
و مش عاوزة اقولك بقى طعم و ريحة الكارى فيها اية روعة
يااارب الطريقه تكون عجبتكم