بسم الله

حاله من اللامبالاه بيعشها المجتمع المصرى المحاط بكم كبير جدا من الفساد الاجتماعى فبالرغم من كل الظروف الزباله والمنيله بنيله اللى بتعيشها الناس واللى المجتمع فيها الا ان المجتمع بيعيش حاله شديده جدا من التفرقه العنصريه
انا مقصدشى التفرقه الدينيه لان دى ليها موضوع لوحدها وانما اقصد التفرقه العنصريه بين طبقات المجتمع فبنلاقى مثلا فى الاحياء الشعبيه ناس مشلاقيه تاكل وناس مش لاقيه تنام وفلان اولاده خرجوا من المدرسه وبقوا متشردين وبيرفضهم المجتمع ماهو هوه هوه ده المجتمع اللى كان سبب فى خروجهم من المدرارس وخروجهم من الصلاح
للأسف المجتمع بيعيش فى حاله اصبح غير مرغوب فيها بالمره من التفرقه بين طبقاتالمجتمع
ولو قسمت المجتمع المصرى وامعنت شويه فيه هتلاقيه منقسم لعدة طبقات فى مثلا المجتمع لمسمى بالراقى ودول طبعا عايشين فى الدنيا كأنهم ملوك

وكأننا مش موجودين فى الدنيا وفى المجتمع الرأس مالى ودول بقى اللى واكلنها والعه زى ما بيقولوا تيجى تعد المكاسب تلاقى كااااااام مليون فى الساعه وهما يتعدوا على الايد انما كأن البلد ملكهم طب الناس دى كلها جابت اطنان الاموال دى منين ومين اللى بيحاسب الناس دى وفين اللى بيسموه المدعى الاشتراكى والغريب كمان ظان احنا كل يوم نسمع ان واحد من الناس دى دخل السجن ايشى فى قضية فساد وايشى فى رشوه وغسيل اموال وخلافه ودول الناس اللى مصين دم الشعب كله ودول يعتبروا رقم اتنين فى مصر بالنسبه للمعاملات والتسهيلات اللى بتحصله اللى عاوز كبشةملايين خد واللى عاوز كبشة دولارات خد
وفى السداد يقولك

حين ميسره ماهو مظبط الدنيا بقى رشاوى وملى الارض فساد

وهتلاقى الطبقه نمره واحد الاس رقم واحد
اللى احنا بنسميه الراس الكبيره يعنى ودى طبعا اللى كلنا عارفينها
اللى بتتمثل فى الطاغيه وحواشيها يعنى الحزب الحاكم وطغيانه وكم المفسدين اللى حواليه اللى ربنا يخسف بيهم الارض
وربنا يستر
وفى بقى الطبقه الوسطى اللى زى حالتنا اللى عايشين على تكه عايشين على سطر وسايبين سطر
وفى بقى المعدومين اللى مش محسوبين فى المجتمع اصلا مع انهم المجتمع كلهانما مبلوعين مهضومين
مهضوم حقهم من ظلم وطغيان الطبقات التانيه وخصوصا طبقة الطاغيه
الناس دى مش عايشه يا جماعه يمكن انتا بتلاقى تاكل بتلاقى حته تنام فيها بتعرف هه تتكلموتطالب بجزء من حقك وابقى قابلنى لو حصلت عليه انما الناس دى غلابه عايشين تحت الارض عاملين زى الغريق المتعلق بقشايه وكمان معندوش امل فيها للظلم المحيط بيه
كل ما انظر حولى واشوف كم التفرقه العنصريه دى
افتكر المجتمع الغربى والمجتمع الصهيونى بالذات اليهودى يعنى وبالذات الاسرائيلى
افتكر تفرقتهم العنصريه فى مجتمعهم
يعنى مثلا عرب 48 غير اليهود الاشكيناز غير اليهود السوفرديم

ساعتها باحتقر جدا المجتمع اللى انا عايش فيه وباعرف اد ايه احنا وصلنا لدرجه كبيره اوى من الانحطاط والقذاره

منتظر من كل قلم
التعبير عما يحمله من كره ورفض للمجتمع الطاغى
انتظر من كل قلم التعبير عن احساس الانسان المصرى البسيط اللى مش عارف حتى يتكلم
ودمتم فى حفظ الرحمن