العصفورة الجميلة ♥♥♥
كان ياما كان . كان انسان عاشق ولهان .قلبه طيب كله حنان .وفي ليلة جميلة لكن طويلة. كان ماشي فيها بروحه الأصيلة. لا في باله حب ولا في باله شوق .شاف عصفورة طايره لفوق. ريشها ناعم كله حرير . تقرب منه وفجأة تطير. سحرته عيونها الجميلة الجريئة. ويا ضحكتها ونظرتها البريئة. و فضلت معاه عايشه سنين .وفي لحظة طارت ويا الحنين . فضل يستناها تيجي في يوم وتريح قلبه اللي عايش مظلوم . ومر يوم ووراه التاني . ولسة ياعيني قاعد وحداني .قاعد ياعيني يحسب ويعيد. ويتمنى ييجي يوم جديد . لكن ياعيني سافرت بعيد. ومش ناويه ترجع غير كل عيد .وفي يوم جميل تحت النخيل . شاف بلبل طيب وأصيل .فضل يحكيله حكايته معاها . وإنه لسه بيستناها . ضحك البلبل فجأة وطار . وسابه ياعيني في وسط النار . فضل بصوته ينادي عليه . عايز يعرف بيضحك ليه ؟! رد عليه وبقلب جريء . وقاله اصلي كنت غريق . وضحك البلبل تاني وطار. وسابه ياعيني وحيد محتار . غابت الشمس ودخل الليل . بس ياعيني ده صبره قليل . مستني يرجعله البلبل تاني . ويحكي معاه ويفضفض تاني . لكن فين البلبل راح ؟! سابه ياعيني مش مرتاح !!!!! صاحب ياعيني الليل وياه . علشان يحكي ويفضفض معاه. قاله مالك ايه الحكايه ؟! قول وفضفض كده ويايا. فضفضله ياعيني كل اللي في قلبه . وحكاله كل حكاية حبه. قاله الليل لازم تنساها . قبل ماتغرق في بحر هواها . بس ازاي ده قلبه معاها . ولسه ياعيني بيستناها !!!!!!!!صاحب ياعيني معاه القمر . اصله صديقه ويا السهر . قاله: مالك كده حزين ؟! قاعد بتفكر في مين؟! قاله شايف يا قمر؟! قلبي اختار الليل والسهر. قاله: مالك ايه الحكاية ؟! قول وفضفض كده ويايا . رد وقال الحب ده نار. وغرامه عذاب وشوقه مرار . والحب ليل وسهر ودموع . وقلب حاير وسط شموع .
قاله: مالك زعلان ليه؟ ومال الحب بتحكي عليه ؟! ده الحب جنة في كل طريق . للي يحب قل جريء . حكاله كل حكايته معاها . وقاله انه بيستناها . قاله القمر: لازم تنساها . رد وقاله ده قلبي معاها . ودور تاني في غيرها كتير . بس الحب عذابه كبير .وبحر الحب كبير وواسع . ولازم يبقى عندك دافع . قاله جرب مرة تانية . وأكيد هتلاقي عصفورة تانية . تكون بتحبك وبتخاف عليك . ولو غبت لحظة تشتاق اليك ......... *قرر خلاص انه ينساها . بعد ما ضحى علشان يهواها * ومر يوم ووراه اتنين ولسه قلبه صابر وحزين...........*وفي يوم جميل ساعة الشروق . شاف عصفورة طايره لفوق . قلبها صافي وروحها أصيلة . ضحكتها حكاية وعينيها جميلة . فكر قلبه انه يهواه . لكن خايف يغرق وياها . صاحب الليل تاني معاه . وفضل يحكي عليها وياه . قاله: كلمة هقولها وأمشي . يللي قلبك ماتعلمشي . قاله: راجع قلبك تاني . قبل ماترجع تندم تاني . وسابه الليل قاعد محتار . وقلبه حزين في وسط النار . طلعت عليه شمس الصباح . وقلبه لسه مش مرتاح . فضل ياعيني يستنى الليل . ويتمنى تاني عليه يميل . لكن فين الليل وفينه . فضل لحد ما غفلت عينه . قام من نومه على صوت القمر . وهو بيسأل ايه الخبر ؟! حكاله كل حكايته معاها . وانه كمان عايز يهواها . قاله: راجع قلبك تاني . قبل ما ترجع تشكي تاني . شوف لهفتها وخوفها عليك . ساعة عينها ما تيجي في عينيك . لو شرياك اديها حياتك . واديها فكرة عن ذكرياتك ..
*الحب كأس كل انسان شاربه والعشق فأس كل انسان حامله