درس الكتابة على وجة الماء

الأمثلة

هذا التطبيق ينفع للنصوص وللصور بعد ،،
شوفوا حوض عبد الله بوالخير كيف طلع حلو!!

خطوات التنفيذ
الخطوة الأولى
طبقوا درس الخلفية المائية عشان يكون عندكم مثل ها الشكل

الخطوة الثانية
وباستخدام اداة الكتابة [ندعوك للتسجيل في المنتدى أو التعريف بنفسك لمعاينة هذا الرابط] اكتبوا اللي يعجبكم ،، وممكن تطبقون ها التأثير على اي صورة تختارونها ــ نفس الخطوات بالضبط ــ ،، وفي ها الدرس انا طبقتة على صورة لكلمة (سبحان الله) ــ لان الفوتوشوب عندي ما يكتب بالعربي ــ واستخدمت اللون الكحلي في تلوينه ،، ودرجة اللون المستخدمة 000033 #

الخطوة الثالثة

الحين تذكروا ان حنا نشتغل على لير أو شفافية النص ــ أو الشكل اللي بنطبق
عليه التأثير ــ ،، عشان نعطيه تأثير الاهتزاز تحت الماي ،،
شوفوا وضع الليرات

نروح لـ Filter >> Liquify
هذا بالنسبة للي عندهم Photoshop 7.0 ،،

لكن لو كان عندك Photoshop 6.0 لازم يروحون على ...
Image >> Liquify

احتمال يظهرلك ها البوكس ،، لو كنت تتعامل مع نص ،، والسبب ان ها الفلتر
ما يتعامل مع النصوص ،، عشان جي لازم يتحول النص لصورة عن طريق الموافقة
على ما جاء في هذا البوكس ،، يعني باختصار اضغط على Ok

Click this bar to view the full image.

ملاحظة:
لما توافق على تحويل النص لصورة ما بتقدر تغير فيه شي ،، يعني ما بتقدر
تضيف حرف أو تحذف حرف ،، لها السبب انصحكم بالتأكد من النص قبل القيام
بهذه الخطوة ..

بعدين بيظهرلك بوكس عووود ترس الشاشة ،،

بتلاحظون على يسارة مجموعه من الادوات ،، تقريباً اول 6 ادوات ممكن انكم
تستخدمونها لإضفاء حركة الاهتزاز تحت الماء على الكلمة أو الشكل المطلوب ،،
وهني استخدمت الأداة الثالثة ــ مثل ما هو موضح في الصورة اللي تحت ،،
وهاي الأداة ما تعطي تأثيرها بالمسح ،، ولكن بالضرب ،، وقبل ما تفهموني
غلط خخخخخخ ،، يعني نييب مؤشر الماوس اللي بيصير على شكل دائرة على النص
أو الصورة اللي بنشتغل عليها ،، ونقرة على اليسار ونخليه ،، نكرر العملية
لين ما نقتنع بالشكل الموجود ،،
نصيحة ،، لا تبالغون في استخدام التأثير ،، يعني شوية تموجات تفي بالغرض ،،

اما على اليمين بتلاحظون عنوان بالازرق مكتوب (Tool Options) تحته على طول
شي Brush Size وهو اللي يحدد لكم حجم الفرشاة اللي بتستخدمونها لتحقيق
التأثير ،، وهني حجم الفرشاة المستخدم 42
نصيحة ،، خلوا حجم الفرشاة مناسبة ،، يعني مو كبير تخربلكم الكلمة أو
الصورة من أول مسحة ،، ولا صغير ما يعطينا التأثير المطلوب ،، فخير الأمور
أوسطها ،، وطبعاً حجم الفرشاة يعتمد على حجم النص عندكم ،،

وقبل لا اختم كلامي عن ها البوكس ،، شي مهم لازم تعرفونه،، وهو زر التراجع
،، Revert ،، يعني لو خبصتوا وايد وما حصلتوا على الشكل اللي تبونه ما
عليكم إلا ان تضغطون على هذا الزر السحري ،، وكل شي بيرد مثل قبل ،،
وتقدرون تبتدون من أول ،،

لاحظوا الصورة ،،
شوي قصقصتها عشان ما تاخذ مساحة في الصفحة

ما احب الصفحات اللي تمشي بالعرض

شوفو النتيجة:

الخطوة الرابعة

الحين لازم انخلي الكلمة تغوص في الماي ،،
كيف؟!!

عن طريق تخفيف لونها من بوكس الليرات،،

تابعوا معاي:
انحدد على لير الكلمة ،،
وانخلي الـ Opacity = 55% ،، أو حسب ما تشوفونه مناسب ،،

لاحظوا الصورة المتحركة:

والنتيجة النهائية:

أشكركم على المتابعة
جزاكم الله خير