منتدى الجمال الباكى

اهلا ومرحبا بك فى منتدى الجمال الباكى



 
الرئيسيةالأعضاءبحـثالتسجيلدخول
دردشة اعضاء المنتدى
اخر المواضيع» mrm11حمل اقوى برنامج لتعريب windows 7 بجميع انواعه    الخميس 14 ديسمبر 2017 - 13:21 من طرف  saifali50     » mrm11وصفات طبيعية لإزالة شعر الشارب للنساء نهائياً    الإثنين 2 أكتوبر 2017 - 13:05 من طرف  بہنہوتہة مہأركہة     » mrm11وصفات إزالة النمش خلطات طبيعية    الإثنين 2 أكتوبر 2017 - 11:59 من طرف  بہنہوتہة مہأركہة     » mrm11وصفات طبيعية للتخلص من الرؤوس السوداء والتجاعيد    الأحد 1 أكتوبر 2017 - 21:14 من طرف  بہنہوتہة مہأركہة     » mrm11وصفات صفار البيض للبشرة بيضاء صافية    الأحد 1 أكتوبر 2017 - 13:21 من طرف  بہنہوتہة مہأركہة     » mrm11نقش حناء 2018 ناعم عنوان الجمال والتألق صور    الأحد 1 أكتوبر 2017 - 13:17 من طرف  بہنہوتہة مہأركہة     » mrm11وصفات اللبن للعناية بالبشرة تفتيح تبيض ازالة حب الشباب    الأحد 1 أكتوبر 2017 - 13:14 من طرف  بہنہوتہة مہأركہة     » mrm11وصفات علاج اسمرار البشرة من الشمس    الأحد 1 أكتوبر 2017 - 13:11 من طرف  بہنہوتہة مہأركہة     » mrm11وصفات صفار البيض للبشرة    السبت 30 سبتمبر 2017 - 19:00 من طرف  بہنہوتہة مہأركہة     » mrm11وصفات ماسك القهوة لتفتيح البشرة    السبت 30 سبتمبر 2017 - 18:39 من طرف  بہنہوتہة مہأركہة     

شاطر | 
 

 شرح كيفية تاليف اغنيه جامده بكذا طريقه

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
الامير المصرى
عضو جديد
عضو جديد
avatar

تاريخ التسجيل تاريخ التسجيل : 07/09/2010
المشاركات المشاركات : 20
التقييم التقييم : 0
النقاط النقاط : 36

SMS لا اله الا الله سيدنا محمد رسول الله

مُساهمةموضوع: شرح كيفية تاليف اغنيه جامده بكذا طريقه   الثلاثاء 22 فبراير 2011 - 0:58

تذكير بمساهمة فاتح الموضوع :

وحشتوووني ياحبايب عيوني شباب وبنات اخواتي وصحابي في مندي ودردشة الجمال الباكي
بعد غيابي فتره عن المنتدي قررت ارجع بس بمفجأأأأأأه ايه هيا بقى
موهوب ونفسك تبقى مؤلف جاامد نفسك تعمل اغنيه اللي يشوفها يقول اللي كتبها ده اكيد فنان
كلووووو ده هيبقى سهل بعد مانشووف الطريقه اللي فصلت فيها كيفيت تاليف الاغاني بكذا طريقه


يوجد كذا طريقة وطريقة لكتابة الاغنية بالشكل السليم وسنتناولها هنا على قدر المستطاع مع تحليلها وامثلة منها . اول حاجة لازم تعرفها قبل الغوص في التفاصبل هي تكوين الاغنية الاغنية بتتكون من 3 اجزاء هما : 1- في حاجة اسمها المذهب او الانترو ودي بداية او مدخل الاغنية زي
:

متسبنيش لو حتى ثواني

لو اغيب عنك استناني

دا انا وحياتك كل ما اشوفك

بحلم امتا هشوفك تاني

الاربع سطور اللي فاتوا دول هما مذهب الاغنية المدخل اللي عرفنا الاغنية بتتكلم عن ايه او موضوعها ايه .



2- تاني حاجة حاجة اسمها السينيو او وسط الاغنية او بالمعنى المعروف المطلع اللي بيعلى فيه المطرب زي :

خلينا نشوفك انا وعينيا

كل شوية حبيبي انا

خلينا نشوفك قرب ليا

فكر فيا حبيبي انا

الاربع اسطر دول هما مطلع الاغنية الذي يتم اعادته .



3- الكوبليه وده بيتعمق اكتر في موضوع الاغنية وبيظهر الموضوع اكتر واكتر وهو هنا :

لو فات يوم من غير يا حبيبي ما أقابلك فيه

عيني تقولي ازاي كده ماندورش عليه

قلبي يلومني يقولي أنا وانت عايشين ليه


هو دا الكوبليه بس بص الحتة اللي جاية دي :


ببقى معاك لكن من شوقي بقول ده خيال

واحلم اني أقولك أكتر من اللي اتقال

دا اللي يدوب في هواك كده عمره ما يهداله بال


اه هنا بقى زود كوبليه تاني طبعا لم يضعف من الاغنية بالعكس دا زود الاغنية معنى وارتفع بالمعنى اكتر واكتر بس دا ميمنعش ان فيه اغاني كوبليه واحد بس ( عصر السرعة بقى ) ( طبعا فيه مذهب وسينيو ) بس كملت معناه بكوبليه واحد بس

( من الاخر في اغاني بتحتاج كوبليه واخرى تحتاج اتنين حسب المعنى انتهى ولا لا )


قبل ما انسى لازم نذكر اصحاب الاغنية اللي احنا عمالين ندرس عليها .

طبعا الاغنية للاسطورة عمرو دياب

اسم الاغنية : خلينا نشوفك

الكلمات للشاعر : نادر عبد الله

والالحان : لمحمد يحيي

والتوزيع : لطارق توكل



الدرس التاني


هنبدا ندخل شوية في التفاصيل اول حاجة لازم نعرفها هو الوزن ( احنا مش في حصة نحو) .

والوزن دا مزعل ناس كتير قوي وبيقولوا ليه انا مكتبش على طول.

اولا لو كتبت اي حاجة والسلام مبقاش اسمها اغنية بقت حاجة اسمها خواطر يعني اي كلام يجي على بالك تكتبه ( منكرش اول ما بدات اكتب كنت كده ودا مش عيب اني اغلط واتعلم ) بس الاغنية ليه شكل خاص بيها وتتغير داخل الاطار بتاعها.

طيب عايزين نعرف ايه سبب ان الاغنية مقيدة بقوانين معينة هقولك لان الملحن لما يجي يلحن الاغنية لو مكتوب غلط مش هيعرف يطلعه نوته مش هيعرف يعزفه هتلاقي العزف مش اخد طبع معين يا راجل دا حتى اغاني شعبان عبد الرحيم موزونه هو اه اللحن واحد بس الاغاني موزونة ودا يميزها .

يعني لو مكنتش الاغاني بتتوزن وتتطلع صح مكنش هيبقى فيه حاجة اسمها نغمة ( مكنوش بتوع الموبايل اشتغلوا ) لان انت لما بتسمع رنة لاي موبايل بتعرف دي اغنية ايه كل اغنية بتشاور على نفسها ودي مهمة الوزن .

طبعا انا غلست وطولت اوي بس هندخل في الموضوع .



نبدا بوزن الاسطر او المقاطع :
- لو الاغنية مذهب وسينيو وكوبليه يبقى المذهب لازم يكون زي الكوبليه في عدد الاسطر يعني زي دي :

دا المذهب :

أغيب أغيب واسأل عليه
عايش ازاي و بيعمل ايه
بيقولوا مش قادر ينسي
عايش بيتعـذب لسة


ودا الكوبليه :

اداري ايه انا ولا ايه
ده انا ياشوق فيه اللي فيه
ده حالي اصعب من حاله
جرالي اكتر ماجرالي


هنلاحظ ان المذهب بيتكون من اربع اسطر وكذلك الكوبليه

اما السينيو هو ايضا من اربع مقاطع ولكن اذا دققت النظر المذهب موزون مع الكوبليه لكن السينيو موزون مع نفسه متستعجلش هتعرفها بعد كدا :

اغيب واقول ده زمانه نسيني
ماهو لو ينسي حينسيني
طول ماهو فاكر افضل فاكر
ايوه امال انا بسأل ليه


على فكرة الطريقة دي من الكتابة مشهورة جدا ومنتشرة انتشار فظيع ...

طبعا الاغنية للاسطورة عمرو دياب

كلمات : الشاعر العبقري بهاء الدين محمد

الحان : عمرو دياب ومحمد يحيي

توزيع : عادل حقي



2 - اما لو الاغنية مذهب وسينيو وكوبليهين ليه طريقتين

الاولى : لاما زي اللي فوق دي ويتعامل الكوبليه التاني زي المذهب والكوبليه الاول ودا اللي حصل في الاغنية دي :

دا المذهب :

أنا كنت مأمن و مسلم لوعودك ليا
و كلامك حلو و مترتب و مأثر فيا


ودا السينيو :

معاك بجد كان قلبي طيب

مقلتش انا غير حاضر و طيب

و انت غاوي وعود في الهوى

كل سنة بقى و انت طيب


اما دا الكوبليه الاول :

دلوقتي مهما تقول و تعيد و عنيك تدمع
حفظت كل كلامك صم تحب اسمع


ودا الكوبليه التاني :

أنا ليه أسيب نفسي لأوهام و افضل اتحمل
ضيعت عمري معاك في كلام و عايزني أكمل

واضح ان الكوبليهين زي المذهب من سطرين اما السينيو من اربعة

طبعا الاغنية للاسطورة عمرو دياب

كلمات الشاعر المميز : ايمن بهجت قمر

الحان : عمرو دياب

توزيع : طارق مدكور


التانية وانك تعامل اتنين زي بعض واللي اتنين التانين زي بعض زي دي :

مذهب

متسبنيش لو حتى ثواني

لو اغيب عنك استناني

دا انا وحياتك كل ما اشوفك

بحلم امتا هشوفك تاني

سينيو

خلينا نشوفك انا وعينيا

كل شوية حبيبي انا

خلينا نشوفك قرب ليا

فكر فيا حبيبي انا

كوبليه 1 :

لو فات يوم من غير يا حبيبي ما أقابلك فيه

عيني تقولي ازاي كده ماندورش عليه

قلبي يلومني يقولي أنا وانت عايشين ليه

كوبليه 2 :

ببقى معاك لكن من سوقي بقول ده خيال

واحلم اني أقولك أكتر من اللي اتقال

داللي يدوب في هواك كده عمره ما يهداله بال


اكيد بدأت تلاحظ ان المذهب والسينيو زي بعض اما الكوبليه الاول والتاني زي بعض لوحدهم ( كل حاجة سليمة بس لوحدها )

طبعا الاغنية للاسطورة عمرو دياب

اما الكلمات للشاعر : نادر عبد الله

والالحان : لمحمد يحيي

والتوزيع : لطارق توكل



في طرق تانية كتير هتنبان بس بعد لما توصل لمرحلة الاحتراف ( مش اللي في الكورة هههههه ) وهنقوله بس بعد شوية :


لو عايز تعرف ازاي بقى وزن الكلام دي حدوته تانية خالص هي والقافية نشوفهم في الدرس اللي جاي

هنتكلم هنا في موضوع القافية وازاي تظبطها بحيث تدي موسيقى في الكلام حتى وانت بتقراه في طرق كتير جدا جدا للحكاية دي وهنقول اشهرها وهيبان لو في اي حاجة بعد كده من تحليلنا للاغاني

1- اولا لازم تنقي الكلام اللي هتكتبه وكل كلمة يكون ليها معنى في الموضوع ( احيانا تضطر لوضع كلمات اضافية من اجل اللحن )

2- عايز افكرك ان الموهبة اساس عملنا ( او اي عمل تاني فني )

3 - من كتر سماعك للاغاني هتتعود على القافية وهتتعرف على كلام اكتر واكتر ( ويا سلام تبقى معلم لو اخترعت قافية جديدة تبقى جامد قوي
4- سبق اني قلت ان في طرق وطرق هنبدأ بسردهم مع مثال :



حنيت لعينيك حنيت


حنيت واشتقت اليك


ما نسيت وياريتني نسيت



هنا قفا الاسطر كلها زي بعض ( حنيت - نسيت - اليك )

الاغنية طبعا للاسطورة عمرو دياب


حنيت


كلمات : هاني الصغير


الحان : خالد عز


توزيع : عمرو شاكر






وممكن تبقى كدا :

معاك بجد كان قلبي طيب

مقلتش انا غير حاضر و طيب

و انت غاوي وعود في الهوى

كل سنة بقى و انت طيب



هنا وقع القافية في تالت سطر ورجعه بعد كده في الرابع ودي عملت برده مزيكا


لاغنية طبعا للاسطورة عمرو دياب


معاك بجد


كلمات : ايمن بهجت قمر


الحان : عمرو دياب


توزيع : طارق مدكور




وممكن تبقى كدا :

لا برتاح في ليلة ولا بنساك


ولا لقيت نهاية

ولو حتى ببعد ببقى معاك


ومنتاش معايا




هنا قفا الاول والتالت مع بعض والتاني والرابع مع بعض ودي بتعمل مزيكا في منتهى الجمال ( بحبها اوي القافية دي )

الاغنية طبعا للاسطورة عمرو دياب


أنا عايش


كلمات :ربيع السيوفي


الحان : عمرو دياب / عمرو مصطفى


توزيع : هاني يعقوب



وممكن تبقى كدا :

قال لي الوداع وانا قوله ايه

هوة الوداع يتقال في ايه

إخترته ليه وإخترني ليه

كان قلبي ليه وقلبه مش ليا


يا ريته قال حيروح يغيب

ومكانش قال بقاله حبيب

يا ريته راح من غير جراح

حيفيده ايه يسيب جراح فيا


عمل ايه هو بقى هنا بالنسبة للمذهب


السطرين الاولانين مع بعض والتالت مع نفسه والرابع مش مع حاجة لوحده كدا


بالنسبة للكوبليه


السطرين الاولانين مع بعض والتالت مع نفسه والرابع كمل الرابع اللي فوق


( متهيألي متسمعتش القافية دي غير من بهاء الدين محمد )

الاغنية طبعا للاسطورة عمرو دياب


قالي الوداع


كلمات :بهاء الدين محمد


الحان : خالد عز


توزيع : فهـــــــــــــد






في قافية تانية سهلة وجميلة قوي


احنا تقريبا اتفقنا ان الاغنية 12 سطر على اساس ان 4 المذهب و 4 السينيو و 4 الكوبليه ( اشهر الطرق في الكتابة ) زي دي :

أيوة انا عارف ان كلامي عليها كتير

اصل حكايتي معاها حكاية حب كبير

ده انا من يوم ما سابتني و قلبي مهوش مرتاح

أسكت ليه .. ده انا بس بقول اسمها برتاح


انا بتكلم عن اللي انا شفته معاها في يوم

بحكي الفرحة اللي بعيش فيها لحد اليوم

لو مش هحكي عنها أتكلم بس في ايه

مين يستاهل بعد حبيبي أحكي عليه


كل ما اقول انا مش هتكلم عنها خلاص

واعمل نفسي قلبي اتكلم ويا الناس

واخد تاني عشان مغلطش في اي كلام

برضه كلامي يلف ويرجع ليها قوام


الاغنية كاملة كل سطرين متقفين مع بعض .

( اسمع كتير عشان القافية تركز في دماغك )

طبعا هنا الملحن مخدش اللي المفروض انه سينيو وعمله سينيو لا اخد الجزء اللي هو عايزه اللي شايف انه هينفع سينيو ( حقه طبعا لان هو اللي هيودي الاغنية للمطرب يعني هتبقى في وشه ) وعلى فكرة السينيو مش شرط خالص يكون تاني جزء لا الملحن بيختار الحتة اللي الكلام فيه لامم المعنى كله ومعناه جديد وكلاماته لذيذة وجذابة وفي بعض الاغاني السينيو بيبقى المذهب ( زي عايزين يغيروك ووحكايتك ايه للاسطورة عمرو وكتير بنعشق لشرين ) بس دي نادرة لان المؤلف غالبا بيركز على الجزء التاني عشان يبقى السينيو .

الاغنية طبعا للاسطورة عمرو دياب


ايوة انا عارف


كلمات :بهاء الدين محمد


الحان : عمرو دياب


توزيع : فهـــــــــــــد




في طريقة تانية خالص :

قدام عيونك لقتني ................. بقول يا رتني ..................... أفضل معاك

وبتجي دايماً فبالي .................. معرفش مالي .......................من يوم لقاك


من يوم ما شفتك بعيني ........... مشغول ياعيني .................... دايماً كدة

من نظرة حبيتك انت .................. ازاي وامتي .................... كان كل دا


دا المذهب والكوبليه


ركز بقى في القافية دي لانها بتولد مزيكا جامدة جدا جدا جدا ( من اقوى القافيات )

انا قسمتها عشان تاخد بالك شوف هو عمل ايه من ناحية الكلام ماشية كدا :

3 .......... 2 ............ 2

3 .......... 2 ............2

اما من ناحية القافية ماشية كدا :

لقتني ويارتني دول مع بعض ومعاك لواحده مستنية


وبعدين بالي ومالي مع بعض ولقاءاك كملت معاك


ونفس الحكاية في الكوبلية


بعيني وياعيني مع بعض وكدا استنت


انت وامتى مع بعض ودا كملت كدا


زي ما قولت القافية من افوى القافيات حاول تفهمها كويس و وانت بتكتب قسمها زي ما عملت فوق عشان تعرف تجيبها .

الاغنية طبعا للاسطورة عمرو دياب


قدام عيونك


كلمات الاستاذ : خالد تاج الدين


الحان : عمرو مصطفى


توزيع : عادل حقى



في طرية برضه كويسة زي دي :

ورجعت من السفر


دايب من الفراق


مشتاق لعيون حبيبي


وللحظة الاشتياق


هنا وقع القافية في السطر الاول والتالت بس التاني كمله الرابعه وبرضه ولدت مزيكا كويسة جدا


الاغنية طبعا للاسطورة عمرو دياب


ورجعت من السفر


كلمات د : مدحت العدل


الحان : ياسر عبد الرحمن


توزيع : ياسر عبد الرحمن



وخدو بقى الاغنيه دى عشان لحبيبنا تامر نتعلم منها بقى


كل اللى فات من عمرى عده كانه ساعات اول ما شوفت عنيك يا حبيبى اه هاعيش معاك طول الحياة بس هاعشق فيك

ده اللى زيك انت يتشال ع الراس ومينزلشى ده اللى زيك انت يامر وكلامه كله يمشى

هو انا عارف انام من يوم ماعرفتك يا حبيبى علطول سهران مش لاقى كلام يوصفلك تعذيبى

هقولها وخلاص بعشق عنيه وبحبه يا ناس مهما عمل فيا

وم اليلة هبدا حياتى م اللحظة دى وايدك فى ايديا





لو بصيت هنا هتلاقى السطرين اللى فوق واللى تحت اد بعض

واللى فى النص برضو اد بعض مع شويه تليل (اهات يعنى )

وفيه كمان طريقة جميلة جدااااااااا
ودى اللى بيكتبها ايمن بهجت قمر
اللى هى مثلا

ايام وبنعيشها هانعمل ايه يا قلبى فى ناس مهماش ناس مفيش احساس ومش بيحسوا بجروحنا
بدموعنا هنحوشها عشان مش صح نبقى ضعاف نبان ساعة الفراق بنخاف ياريت نعصب على روحنا

وعلى ايه دى حكاية خلصت من بدرى
والله خلصت من بدرى والغدر حسيت بيه
وعلى على ايه هانبكى ع الماضى
ايام وعدت ع الفاضى فى ايه هانبكى عليه

مش فارقة نتالم نعيد ونزيد فى ايه على ايه معتش يفيد بكانا عليه خلاص الجرخ اهو معلم
ويارتنا نتالم ولا ناسى وداع بوداع محش ساب حبيبه وضاع
وادين خلاص بنتعلم

كوبلهين ومذهب والعمليه تمام قوى
والاغنية صغيرة وسهلة
(ملحوظه هامه)


لو كوبليه من اربع سطور يبقى عدد الكلمات اد بعضه
دى حاجة

وفى حاجة تانية
لو عشقانى دى تتحسب كلمة واحدة
اللى فات
فى مرة
كده اللى هى حروف الجر مثلا
وفيه كلمتين بيتقالو مع بعض بس تمشى كلمة واحدة
زى
مش عارف مش فاكر
ابقى قوله
يعنى كده


كده كفاية انا طولت عليكم أوووووى
ولو حد عنده اى استفسار انا موجود تحت امركم
متهيالى كده المسالة بقت واضحة واسهل شويه


على العموم ياحبايب قلبي اي استفسار على اي معلومه في التاليف او التلحين وان كان التوزيع
انا معاكم تحت امركم موجوود معاكم في الشات معظم الوقت
يلا بقا عايزين من شاتنا ومنتدانا مؤلفين وملحنين ومطربين
لانو انا حاسس المكان ده مجمع للمواهب هههههههه
يلااااا بقىىىى فرحووني نفسي اشوف كلمات اغاني تهز القلب
تعرفو لو حد هينافسني هايجري ايه هاحبووووو ههههههههه

الموضوع الأصلي : شرح كيفية تاليف اغنيه جامده بكذا طريقه  المصدر : منتدى الجمال الباكى  الكاتب:  الامير المصرى

الرجوع الى أعلى الصفحة اذهب الى الأسفل

كاتب الموضوعرسالة
ريم
مشرفة
مشرفة
avatar

تاريخ التسجيل تاريخ التسجيل : 08/01/2011
المشاركات المشاركات : 2382
التقييم التقييم : 18
النقاط النقاط : 3128
الجنس الجنس : انثى
الإقامة الإقامة : مصر
مزاجى مزاجى :



SMS لا اله الا الله سيدنا محمد رسول الله

مُساهمةموضوع: رد: شرح كيفية تاليف اغنيه جامده بكذا طريقه   الأربعاء 23 فبراير 2011 - 0:13

سلمت يداك احمد


ربنا يوفقق يارب

الموضوع الأصلي : شرح كيفية تاليف اغنيه جامده بكذا طريقه  المصدر : منتدى الجمال الباكى  الكاتب:  ريم



توقيع [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]


الرجوع الى أعلى الصفحة اذهب الى الأسفل
starforever
عضو جديد
عضو جديد
avatar

تاريخ التسجيل تاريخ التسجيل : 08/02/2013
المشاركات المشاركات : 1
التقييم التقييم : 0
النقاط النقاط : 1

SMS لا اله الا الله سيدنا محمد رسول الله

مُساهمةموضوع: رائع   الجمعة 8 فبراير 2013 - 10:30

بصراحة موضوع جميل و انا درست علم الصرف و العروض وبحور الشعر مثل الوافر و الكامل و ده موال بس ان اتحرق دمى علشان اعمل كوبى كان لازم اشترك و قعدت ساعة بس بجد موضوع رائع و تسلم

الموضوع الأصلي : شرح كيفية تاليف اغنيه جامده بكذا طريقه  المصدر : منتدى الجمال الباكى  الكاتب:  starforever

الرجوع الى أعلى الصفحة اذهب الى الأسفل
Se7a
عضو جديد
عضو جديد
avatar

تاريخ التسجيل تاريخ التسجيل : 06/03/2013
المشاركات المشاركات : 1
التقييم التقييم : 0
النقاط النقاط : 1

SMS لا اله الا الله سيدنا محمد رسول الله

مُساهمةموضوع: رد: شرح كيفية تاليف اغنيه جامده بكذا طريقه   الأربعاء 6 مارس 2013 - 4:04

تسلم الايادييييييييييييييييييييي بجد روعه روعه روعه

الموضوع الأصلي : شرح كيفية تاليف اغنيه جامده بكذا طريقه  المصدر : منتدى الجمال الباكى  الكاتب:  Se7a

الرجوع الى أعلى الصفحة اذهب الى الأسفل
 

شرح كيفية تاليف اغنيه جامده بكذا طريقه

استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

تذكر قول الله تعالى :{{ مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ }} سورة ق الآية 18


mrm11 الكلمات الدلالية
mrm11 رابط الموضوع
mrm11 bbcode BBCode
mrm11 HTML HTML كود الموضوع
صلاحيات هذا المنتدى:لاتستطيع الرد على المواضيع في هذا المنتدى
منتدى الجمال الباكى :: المنتديات الادبيه :: نبض القلوب .... دعوة لمشاركة الاقلام-
دردشة الجمال الباكى | منتديات لغة أهل الجنة